ABS-CBN gipasidunggan sa YouTube
CEBU, Philippines – Nakadawat ang ABS-CBN og award gikan sa video-sharing website nga YouTube ug pormal kini nga gipahibalo sa It’s Showtime kagahapon.
Uban sa mga kadagkoan sa Kapamilya network nga gipangulohan ni ABS-CBN president ug CEO Carlo Katigbak , gidawat nila ang YouTube Diamond Creator Award.
Matud pa nga ang ABS-CBN maoy ikatulong channel sa tibuok Southeast Asia ang nakadawat sa maong klase nga award.
“At sa milyong YouTube channels, wala pang 100 ang nakaabot dito sa buong Asia. At ito ay dahil sa inyong lahat, mga kapamilya na nanood online sa ating programa,” suma pa sa usa sa mga host sa It’s Showtime nga si Jhong Hilario.
Suma pa ni Richard Reynante, ang head sa ABS-CBN Digital Content Publishing, dako og kontribusyon ang “It’s Showtime” sa kalampusan sa ABS-CBN Entertainment channel.
“Alam niyo po ba na nitong Mayo, ang ABS-CBN Entertainment channel ay No. 6 na sa buong mundo in terms of ranking. Out of the 15 billion views that we have, ang nai-contribute ng ‘Showtime’ ay 1.2 billion views. Napakalaki po noon,” suma pa niya..
- Latest