Dili sala ni Aiko

CEBU, Philippines – Gidepensahan ni Subic Mayor Jay Khonghun ang aktres nga si Aiko Melendez batok sa mga pagsaway nga nadawat niini gumikan sa ilang relasyon.

Si Khonghun, nipadala og mensahe sa www.fashionpulis ug niklaro nga walay sala si Aiko sa panagbuwag nila sa iyang asawa.

Suma pa sa mayor, buwag na silang daan sa iyang asawa sa wala pa sila nagkarelasyon ni Aiko. Dugang niya nga kasamtangang giproseso ang ilang legal na gyud nga panagbuwag sa iyang asawa apan wala na lang nila ipahibawo sa publiko.

Hangyo niya sa publiko nga dili basulon si Aiko o pamasanginlan sanglit wala kini sala.

Kasamtangang nagbakasyon sa gawas sa nasud sila si Aiko ug ang mayor, kauban usab ang pamilya sa nauwahi.