"Cry No Fear" manghadlok na!

CEBU, Philippines – Nagpadayon ang pagmugna sa VIVA Films og mga pelikula nga angayan atngan sa moviegoers, ug usa na niini mao ang “Cry No Fear”,  ang suspense-thriller nga ipasalida na sa mga sinehan sugod karong adlawa,  June 20.

Sila si Ella Cruz ug Donnalyn Bartolome maoy modala isip Wendy ug  Kaycee,   ang half-sisters nga  duna’y pagdumot  sa usa'g-usa. Nakahibalo niiini ang ilang  amahan (Lito Pimentel), apan kinahanglan siya nga mobiya sa iyang mga anak sulod sa tulo ka adlaw  kauban ang ilang  Yaya Dory alang sa importanteng okasyon.   Tunga-tunga sa kusog nga bagyo, nahasol ang magsuon  sa pagpanuktok  sa mga tawo sa gawas  nga nangayo og pagkaon ug tambal.  Ilaha ra kini nga  gibaliwala  ug  gipangyawyawan , ug wala sila’y ideya nga mao na kini ang maghatag og hulga sa ilang kinabuhi.  Gisulod sila sa mga daotang tawo (Lander Vera Perez, Christopher Roxas, Patricia Javier) nga gustong mokutlo sa ilang kinabuhi.

Lahi nga  Ella ug Donnalyn ang masaksihan sa maong  pelikula nga ubos sa direksyon ni Direk Richard V. Somes (Shake, Rattle & Roll).

Susama og mga interest sa duha ilabi na sa  pagsayaw ug  pagkanta.  Nag-trending ang YouTube dance videos ni Ella, nga gitawag na karon og  “Millennial Dance Princess”.

Sa wala pa mosulod sa showbiz, nagsugod  si Donnalyn isip  internet sensation tungod sa mga awit niya nga  siya mismo ang nagsuwat hinungdan nakadawat siya og titulong “Social Media Sweetheart”.