Batong mo diha!

CEBU, Philippines – Swak kaayo nga sud-an sa mga tawong ganahan nga magdaginot. Kini mao ang batong, apan dili kini angay nga ipagamay, sanglit dako kaayo ang mahatag nga kaayohan sa mga tawo nga mokaon og batong.

Dili kaayo lisod pangitaon ang batong sa kamerkadohan. Ug alang sa inyong kasayoran , abunda kini sa minerales ug bitamina .

Sa taho sa , makuha nato sa batong ang bitamina A, C, K, B6, ug folic acid. Aduna usab kini calcium, silicon, iron, manganese, potassium, ug copper.

Nagpahipi usab niini ang fiber busa positibong resulta ang mahatod niini sa digestive system sa lawas.Taas ang level niini sa flavonoids busa mupaubos kini sa risgo sa sakit sa kasingkasing.

Makapalagsik gyud ang batong tungod sa nagbaha niini nga antioxidant properties.

Dili na man tingale angayan iplastada pa kung unsaon pagluto ang batong sanglit igo ra man kini gisahon ug butangan gamay og asin, patis, ug ahos .
Ikaw na pud ang mag-igo kung unsa ang isuban nimo niini, kini sama sa ginaling nga karne, sardinas, chicharon, ug uban pa.