Xian pasok sa Ms. Granny

Malakip ang bag-ong Viva talent  nga si  Xian Lim sa  upcoming movie nila ni Sarah Geronimo ug James Reid nga  Miss Granny.  Dakong garbo alang kang Xian nga makauban ang mga banggiitang artista sa usa ka pelikula.

Hunahunaon pa

Tsika pa ni Agot Isidro nga nalingaw ra siya og maayo sa showbiz busa  dili pa gyud siya makahukom karong panahona  kon modagan ba siya o dili pagka-senador sa umaabot nga piniliay.  Nasayran nga gipangulitawhan na si Agot sa Liberal Party.

Ganahan sa Sangres

Interesado si Alfred Vargas nga malakip sa reunion project sa original Sangres sa Encantadia  nga sila si Iza Calzado, Sunshine Dizon, Diana Zubiri ug  Karylle.  Nagpaabot ra siya sa signal ni Direk Mark Reyes. Matud pa  niya nga puros gyud niya mga higala ang mga nahisgotang artista.

Tony nagnegosyo

Tungod  sa pagkugi ni Tony Labrusca sa showbiz, nakaumol na siya og kaugalingong negosyo.  Gawas sa showbiz, busy karon ang aktor sa pag-atiman sa iyang beverage business. Gipaneguro  ni Tony ang iyang kaugmaon.

Fan sa Songbird

Dili gyud sipyaton ni Sharon Cuneta ang pagakos kang Regine Velasquez sa higayon nga magkasugat sila niini.  Matud pa sa Megastar nga solid fan gyud siya ni Regine. Una na nga gibutyag ni Sharon nga dugay na niya nga gipangandoy nga makauban si Regine sa entablado.

Maris sa MMK

Si Maris Racal ang bida sa episode sa "Maalaala Mo Kaya" karong  Sabado, June 16. Maghisgot kini  sa kinabuhi  ni Libertine Amistoso,  ang nagsuwat sa kanta nga"Titibo-Tibo" nga nakadaog sa  Himig Handog 2017. Si Moira ang naghatag og kinabuhi sa maong awit.

Wedding anniversary

Gisaulog sa celebrity couple nga sila si  Toni Gonzaga ug Paul Soriano ang ilang  3rd wedding anniversary kagahapon. Malipayon kaayo ang duha ilabi na nga naabot sa ilang kinabuhi ang ilang anak nga si Severiano Elliott.

Kabag-ohan sa costume

Gibutyag ni Erik Matti nga duna gyu’y kabag-ohan  ang costume  ni  Liza Soberano sa upcoming movie niini nga  Darna.Gipaneguro sa direktor nga mauyonan  gyud kini sa kadaghanan. "Of course, with all the gender sensitivity now, we have designed something that is more of a warrior, more of a utilitarian costume rather than, 'yong dati kasi, parang bikini," matud pa sa direktor.

Jessie gipangandoy ni KZ

Gipangandoy sa Asia’s Soul Supreme nga si KZ Tandingan nga mahimong special guest sa iyang upcoming major concert ang international pop superstar nga si Jessie J.  Mahitabo ang concert ni KZ karong June 22 sa MOA Arena.  Nagkaila sila si KZ ug Jessie J sa programang Singer 2018  didto sa China.

Gihangop sa Pinoy moviegoers

Gihangop pag-ayo sa mga Pinoy ang pelikulang Jurassic World: Fallen Kingdom sukad kini gipasalida dinhi sa Pilipinas niadtong June 6.  Sulod sa lima ka adlaw, nikita na kini og P213.8-million.

Non-showbiz ang tirada

Adunay non-showbiz guy ang  kasamtangang nangulitawo  kang  Myrtle Sarrosa.  Dako og posibilidad nga sugton kini ni Myrtle sanglit  ganahan gyud siya nga dili taga showbiz ang iyang mauyab aron makalikay siya sa intriga. Katapusang nauyab sa aktres ang anak ni Senador Grace Poe nga si Brian. Nagkabuwag ang duha niadtong 2015.