Tungod sa PBB
CHURVA - Sanden J. Anadia (Banat) - June 12, 2018 - 12:00am

Wala damha ni  Ejay Falcon nga nakaabot na og 10 ka tuig ang iyang career. Mapasalamaton gyud ang aktor sa Pinoy Big Brother gumikan kay mao kini ang instrumento nga nakasulod siya sa showbiz. “Maraming salamat po sa lahat ng bumubuo ng PBB. Kayo ang naging daan para makamit ko ang higit pa sa aking mga pinapangarap. Maraming salamat sa mga taong di sumuko at walang sawang sumuporta, nagtiwala, at naniwala na kaya ko. Mahalagang bahagi kayo lahat ng 10 taon ko. Maraming salamat po sa inyo,” suma pa sa social media post sa aktor.

Anniversary concert

Saulugon ni Anne Curtis ang iyang ika-21 nga anibersaryo sa showbiz pinaagi sa usa ka concert. Mahitabo kini karong August 8, sa Araneta Coliseum.  Kahinumdoman nga puros nagmalampuson ang mga nangaging concert ni Anne.

Nag-honeymoon sa Europe

Nadayon  na gyud ang honeymoon sa magtiayong Rachelle Ann Go ug Marthinus Johannes Spies. Kasamtangang nag-enjoy ang duha sa ilang pagbakasyon sa Europe. Kahinumduman nga nagpakasal sila niadtong Abril didto sa Boracay.

Wala nagpadala

Gibutyag ni Jessy Mendiola  nga dili lalim ang iyang gibati kaniadto sa dihang gibugal-bugalan siya sa iyang haters.   Apan nasulod sa iyang hunahuna  nga dili kini makatabang sa iyang career kon tagdon niya ang iyang mga kritiko.

Donnalyn giluwas ni Ella

Mapasalamaton kaayo si Donnalyn Bartolome  ngadto kang Ella Cruz gumikan kay giluwas gyud  siya niini sa dihang hapit siya nalumos atol sa shooting  sa pelikula nila nga Cry No Fear sa Viva Films. Dili  gyud makalimot si Donnalyn sa maong hitabo.

Na-fling ni Vice

Giangkon ni Vice Ganda  nga naa gyud siya’y naka-fling nga mga artista kaniadto. Hinuon girespeto niya ang  maong mga artista busa dili  na kinahanglan nga iyaha kining panganlan.

"Ikaw Lang Sapat Na”

Gipadungog na ni Maris Racal sa publiko ang bag-o niya nga single nga nag-ulohan og "Ikaw Lang Sapat Na." Pahiyom lang ang itubag  ni Maris sa pangutana  kon ang maong  kanta gihalad ba niya sa gidungog niya nga boyfriend nga si  Inigo Pascual.

Mo-eskwela gyud

Target  sa Cebuana singer ug TNT season 2 winner nga si Janine Berdin nga mopadayon sa iyang pagtungha didto sa kaulohan.  Suma pa ni Janine nga bisan sa iyang ka-busy, dili  gyud niya pasagdan ang iyang pag-eskwela.

Talk show ni Martin

Mobalik na si Martin Nieverra sa telebisyon pinaagi sa iyang late night show sa ANC nga “LSS: The Martin Nievera Show”. Mosikad ang maong show sulod karong buwana.   Nakasuway na si Martin og mga late night show sa ABS-CBN kaniadto.

Ikaw na ate!

Dili diay basta-basta ang background sa usa sa mga dancer sa It’s Showtime nga  si Jackque Gonzaga  o nailhan sa kadaghanan isip “Ate Girl”.    Nahuman ni Ate Girl ang kursong International Studies niadtong 2015.  

EJAY FALCON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with