COSAP Cares digital movie movie

CEBU, Philippines — Mapasigarbohong gibutyag sa head sa Cebu  City Office for Substance Abuse and Prevention (Cosap) nga si  Garry Lao  nga mo-produce siya og digital film kabahin sa kadaot nga mamugna sa ginadiling drugas.

Saysay pa ni Lao dinhi sa Banat News Hugyaw nga panahon na pud nga dugangan ang mga programa sa COSAP nga nahaom sa panahon.

Matud pa niya nga magpadayon gihapon ang mga stage drama sa kabaranggayan, ug igo lang nga gidugang ang digital film nga i-release karong tuiga.

“Mas maayo man gyud nga duna na puy laing approach sa atong campaign. Naandan na man nato kanang mga talk, mas maayo ato napud pun-an ang  ingon  ani nga paagi,” suma pa ni Lao.

Usa kini ka family-drama digital film, diin makita gyud ang grabe nga epekto sa drugas partikular na sa pagkaguba sa usa ka pamilya.

Sa maong pamaagi, mapakita usab ang mga abilidad sa pag-arte sa Cebuano talents kinsa nisaad nga dili mangayo og talent fee.

“Lipay kay ko kay misuporta gyud ang Cebuano talents. Ato ihatag nila, dili na siya talent fee. Matawag lang na nga honorarium kay ginagmay ra intawon na nga budget. Mismo sila nisalig sa atong kampanya,” matud pa niya.

Dugang pa ni Lao nga personal niya nga kuwarta inubanan sa pagtampo sa iyang mga higala ang igasto sa maong proyekto ug dili gyud mahilabtan niini ang kaban sa gobyerno.

Matud pa niya nga  grabe gyud ang mahatag sa ginadiling drugas ngadto sa mga tawo   sanglit daghan gyud ang mahasol niini.

“It is common knowledge how the problem of illegal drugs has penetrated every sector of our society. The problem is so daunting that it takes the concerted effort of all to combat. The government is only one arm, and a problem is so big it needs many arms to contain,” saysay pa niya.

Pinaagi sa digital film, makahatag matud pa siya og lapad pa nga pagpasabot ngadto sa katawhan  ilabi na sa mga tawo nga nisulod og dautang bisyo. .

“I am embarking on a campaign against illegal drugs in the grassroots level and I have chosen to do it through education, by way of a digital film that would expose the evils of illegal drugs both to the individual users and the society in general,” asoy pa niya.

Isip kasamtangang head sa COSAP, gipanegruo ni Lao nga makamugna gyud og mga epektibong programa batok sa ginadiling drugas.

 “The finished film would be repeatedly shown in the city’s barangays, schools and other venues. I am so lucky enough to have secured the commitment of a director to do the said digital film for us – for free. But of course, we have to shoulder the rental cost of equipment,” dugang pa niya.

Malipayong gipahibalo niya nga usa ka banggiitang direktor didto sa kaulohan ang mogama niini ug malipayon siya  gumikan kay dili kini mangayo og professional  fee  sanglit nakauyon kini pag-ayo sa iyang adbokasiya.

Dili pa niya isulti ang pangalan sa maong direktor  apan matud pa niya nga  angayan kini atngan sa publiko.

Karong adlawa ang audition sa mga tawong ganahan malakip sa maong proyekto. Ang audition magsugod sa alas 9 sa buntag hangtud na sa hapon diha sa 9th floor sa Cebu City Hall.