Teaser sa bag-ong Meteor Garden gikagubtan

CEBU, Philippines – Lakip ang  mga  Pinoy  sa niabiba  og maayo sa paglugwa teaser sa  Meteor Garden remake starring Shen Yue, Dylan Wang, Darren Chen, Connor Leong ug Caesar Wu.

Ang maong teaser gi-release sa Taiwan ug pipila ka lugar sa  Europe.

Na-upload usab kini sa "A Love So Beautiful" Facebook page niadtong Huwebes sa gabii   ug nakabaton na kini og dul-an sa 500,000 views.

Kasagaran sa fans ang nagpanikad sa  mga bag-ong artista nga nidala sa grupong F4 ug Shan Cai.

Ang maong proyekto nagtangag sa budget nga 720 million New Taiwan dollars.

Nagbaha ang mga pangutana sa Pinoy netizens kung  unsa kaha nga station dinhi sa nasud ang mokuha sa maong serye.

Kahinumdoman nga ang ABS-CBN maoy nag-play dinhi sa nasud sa orihinal nga Meteor Garden   ug makadaghan na kini nga higayon nga gi-replay tungod sa kasikat niini.