Relo ni Elvis nahalin og P78.5 milyon

CEBU, Philippines — Sa gihimong auction dili pa lang dugay, nahalin og CHF 1,500,000 o dul-an sa PHP78.5M  ang ginamit nga relo sa legendary performer nga si Elvis Presley.

Human sa taas nga bidding process, ang OMEGA Museum sa  Biel/Bienne mao nay bag-ong tag-iya sa maong relo.

Kahinumdoman nga puwerting sikata sa maong 18K white gold wristwatch  sanglit mao kini ang gihatag sa RCA Records ngadto kang Elvis  niadtong February 1961 alang sa selebrasyon sa iyang kalampusan human nahalinan ang singer og 75 million ka kopya sa  iyang album  worldwide.