Plano ni Megan

CEBU, Philippines — Giangkon ni Megan Young nga gusto na niya nga aduna na siya’y matawag nga kaugalingong pamilya kun moabot na siya og 30. “I want to be able to have my own household and take care of my family in the future. I want to be a hands-on mom in the future pero that’s something na medyo malayo pa but that’s something I’ve always dreamed of. That’s my goal and siyempre, ayoko rin naman na I’d be too old to have children. Ayokong dumating sa punto na mahihirapan na ako magka-anak”, suma pa ni Megan.

Nang-dedma sa press?

Gisumsuman karon sa tsismis ang pangalan ni Sofia Andres human nga giingon nga nang-dedma sa taga-press sa nahitabong red carpet sa MYX Music Awards niadtong miaging semana lang. Sa nikatap nga video, makita nga human nga nagpakuha og hulagway ang aktres, kalit kining milakaw ug wala na panumbalinga ang nga nanawag nga mga reporter.

Gimingaw sa Asap

Gipadayag ni Gary Valenciano pinaagi sa iyang Twitter account nga gimingaw na siya nga mo-perform sa entablado sa ASAP. Matud pa sa singer nga kun hingpit na gyud siya nga maayo sa iyang gibati karon, mobalik na sab siya pag-perform. Kasamtangang nagpadayon ang pagpahuway karon ni Gary human sa iyang operasyon sa kasingkasing.

Pahimangno ni Jake

Adunay gamay nga pahimangno ang singer nga si Jake Zyrus sa tanan nga gusto sudlon ang entertainment industry. “Sana pag pumasok ka sa entertainment industry, tanggalin na yung mata at puso mo para wala kang nakikita at walang mararamdaman”, pahimangno ni Jake.

Joke ni Alex gisaway

Ubay-ubay ka netizens ang wala kauyon sa kapsyon sa social media post ni Alex Gonzaga nga “Japan, Japan sagot sa kahirapan.” Pipila sa mga netizens ang mikomento gyud sa post sa Kapamilya star nga dili gyud maayo nga binuang ang iyang kapsyon tungod kay makasakit kini sa mga isig ka-Pinoy nga nanimpad sa maong nasud. Kasamtangang anaa si Alex sa Japan kuyog ang  iyang pamilya  nga nibakasyon sa maong dapit.

Damgo nga makasal

Pangandoy  ni Aiko Melendez nga makasal pagbalik human nga na-inspired sa nahitabong royal wedding nila  Prince Harry ug Meghan Markle. “I’m sure you also get that feeling of wanting to walk down the aisle wearing the gown that you love and that’s exactly how I’m feeling right now”, suma pa ni Aiko.

Ikaduhang baby

Giplanohan na karon nila ni Chito Miranda ug Neri Naig nga sundan ang ilang anak nga si Baby Miggy. Tulo ka tuig karon si Baby Miggy ug target sa mag-asawa nga sundan kini sa sunod tuig.

Dili malimtan nga bakasyon

Giangkon ni Kim Chiu masulub-on gyud ang iyang una nga pagtikang sa South Korea niadtong 2010. Matud pa ni Kim nga nag-inusara siya og tikang sa maong dapit aron makalimot sa mga sakit nga kaagi nga iyang nasinati dinhi sa Pilipinas..

Male Star of the Year

Dakong pasalamat ni Ruru Madrid sa tanan nga nagpaluyo karon sa iyang kadaugan human nga gipasidunggan siya sa 49th Box-office Entertainment Awards ng Guillermo Mendoza Scholarship Foundation niadtong miaging gabii lang. Naangkon ni Ruru ang Most Promising Male Star of the Year. Matud pa ni Ruru nga dakong garbo alang kaniya ang makadawat sa maong pasidungog.

Birthday wish ni Julie

Simple ra gyud ang birthday wish sa Kapuso singer nga si Julie Anne San Jose kinsa nagsaulog sa iyang 24th birthday niadto lang miaging semana. "Ang wish ko, sana of course magtagal pa ang Sunday PinaSaya and good health para sa akin at sa family ko at sa lahat ng mga minamahal ko sa buhay. Happiness, peace, and love, 'yun lang po. Hindi naman ako humihingi ng kahit anong materyal na bagay basta ang importante, masaya tayong lahat. Ayun lang po, thank you so much, God bless everyone." Suma pa ni Julie Anne.