Extra ra si Kris?

CEBU, Philippines — Gikagubtan dayon ang trailer sa Hollywood movie nga Crazy Rich Asians apan nabantayan sa fans ni Kris Aquino nga wala ang ilang idolo sa maong video.

Kahinumdoman nga todo promote gyud si Kris sa maong pelikula gumikan kay dakong garbo alang kaniya nga malakip sa usa ka international project.

Usa ka netizen nga nagtangag sa username nga @jczenemij16 ang nangutana kang Kris kalabot sa  wala pagkalakip niini sa trailer sa  Crazy Rich Asians

"Napanood ko trailer, pero di kita nakita? Extra ka lang ba dun? I thought you’re one of the main characters. :),” suma pa sa maong netizen.

Isip tubag, ni-post si Kris og mensahe sa comment section ug gitataw niini nga nilenggua siya niadtong Biyernes nga singko minutos ang exposure niya sa maong pelikula.

"As recently as Friday I said I'm there for 5 minutes, but I do portray a [princess]. Dude, I'm part of a Warner Brothers history-making movie because it's the first non-period, all Asian, big Hollywood multi-million production. #proudtorepresentphilippines,” suma pa ni Kris.

Ipasalida dinhi sa Pilipinas ang maong pelikula karong August 22.