Aktres ug film producer sa pelikula

Bisan og busy sa schedule sa serye nga The Blood Sisters, gipaninguha gihapon ni Erich Gonzalez nga mas aktibo sa iyang umaabot nga bidahan nga action movie nga “We Will Not Die Tonight” nga ubos sa direksyon ni Richard Somes. Gawas nga siya ang bida, siya sab ang film producer niini.

Still connected

Naputol na ang komunikasyon nila ni Kakai Bautista ug sa Thai actor nga si Mario Maurer. Matud pa ni Kakai nga imbitaron unta kini niya sa iyang 15th anniversary concert apan dugay na silang way komunikasyon. Pagkakaron, pabilin nga mag-istorya si Kakai sa igsuon ni Mario nga si Marco nga usa ka rapper ug musician sa Thailand tungod kay kuhaon siya niini sa music video nga pagahimuon ni Marco.

Mobalik sa rehab

Gipahibawo ni Baron Geisler pinaagi sa iyang Facebook account nga mobalik na siya og sulod sa rehabilitation center. Kahinumduman nga napriso ang aktor tungod sa iyang pagpakigbangi sa iyang brother-in-law nga si Michael Morales. “I am going into rehab, and take this very seriously this time. I am sorry to all whom I've hurt or offended. I will be better, and I will see you all again and work with you, when I am ready”, post niya sa iyang account.

Natuman ang gipangandoy

Napuno sa positive vibes karon ang komedyante nga si Donita Nose tungod kay natuman na gyud ang iyang dugay ra nga gipangandoy ang makapirma og kontrata sa Kapuso network. Alang kang Donita, dako na gyud kini nga blessing nga naabot sa iyang kinabuhi tungod kay dili tanan nga miyembro sa LGBT ang mahatagan sa ingon niining oportunidad.

Maymay ug Edward sa DOTGA

Pasok na sila si Maymay Entrata ug Edward Barber sa cast sa umaabot nga pelikula sa Star Cinema nga "DOTGA: Da One That Ghost Away". Bidahan ang maong pelikula nila ni Kim Chiu ug Ryan Bang.

Limitado ra

Gipahibawo ni Coleen Garcia nga 250 ra kabuok ang ilang bisita sa ilang kasal puhon ni Billy Crawford.  Matud pa ni Coleen limitado lang kini alang sa ilang pamilya ug mga suod nga mga higala.

Pahuway sa pagpa-sexy

Ang pagkalakip sa usa ka comedy film ang mas magpalipay sa sexy aktres nga si Nathalie Hart. Matud pa niya nga gusto gyud niya nga motrabaho sa ingon niining klase nga mga pelikula nga mupakatawa sa kadaghanan. Gipasalig sab ni Nathalie  nga kasamtangan lang kini gumikan kay aduna nay duha nga nakalinya nga sexy films nga iyang pagahimuon nga mapagawas sab karong tuiga.

Kylie sa abay babes

Human sa pakalakip sa “Ang Panday” niadtong miaging tuig, sunod na sab nga pagabuhaton nga pelikula ni 2016 Miss International Kylie Verzosa ang “Abay Babes”. Ang istorya maghisgot kini sa managhigala niadtong high school. Makauban ni Kylie sila si Cristine Reyes, Roxanne Barcelo, Nathalie Hart, ug Meg Imperial.

Pahalipay sa higala

Gipamatud-an gyud ni Angel Locsin nga usa gyud siya ka-supportive friend gumikan kay siya gyud ang nangunay sa pagpangulo sa private block screening alang sa iyang higala nga si Dimples Romana kinsa lakip sa Star Cinema movie, “My Perfect You”, nga gibituonan nila ni Gerald Anderson ug Pia Wurtzbach.