#BornToBeAWinner

CEBU, Philippines — Nagsugod isip assistant make- up artist sa nabantog nga si Jun Hector sa tuig 1996 ug  milungtad  hangtud karon, o sulod sa 22 ka tuig.

Mao kini ang istorya sa kapalaran ni Gretchen Magtagad Sy sa kalibutan sa pagpaanyag.

Matud niya, nakat-on lamang siya sa pag -makeup gumikan sa kanunay niyang pagsud-ong sa mga makeup artist niadtong assistant pa lamang siya.

Ang iyang experience maoy nagsilbi niyang training ground sa kalibutan nga iyang gisudlan.

Hangtud nga nahimo siyang make- up artist sa GMA-7 partikular na sa local variety show nga  Singgit Cebu.

Taas -taas na gyud ang naabtan  ni Gretchen sanglit sa matag mall show kaniadto  sa mga bitoon sa  GMA-7, siya maoy official  makeup artist sa  kapuso stars  nga motikang dinhi sa Sugbo.

Pipila sab sa mga artista nga dili niya malimtan nga iyang napaanyag nga matud pa niya adunay mga maayong batasan mao silang Karylle Tatlonghari, Iza Calzado,Katrina Halili, Angelia Ong, Jennylyn Mercado,Yasmin Kurdi, Marian Rivera ug Kris Bernal.

Pagbalik lantaw ni Gretchen, di lalim ang iyang nasinati kaniadto hangtud nga nahimutang na siya karun sa kasamtangan niya nga istado.

Dugang pa niya, nanginahanglan og dakong sakripisyo ang hingpit nga pagkab-ot sa kalampusan.

Inspirasyon ni Gretchen niining tanan mao ang iyang pamilya ug ang dakong pagsuporta nila ngadto kaniya.

Matag adlaw siyang nagkayud kaniadto ug mapasigarbuhon niyang gipaambit nga tungod sa iyang pagka makeup artist, nakapahuman siya sa pagpa -eskwela sa iyang mga igsuon.

Malipayon kaayo siya karong magsud-ong sa iyang mga malampuson ug mga propesyunal nga mga igsuon nga maoy produkto sa iyang paningkamot  matag adlaw.

Matud sab niya, hingpit nga mitatak sa iyang alimpatakan nga usa na siya ka certified in-demand makeup artist sa dihang gikuha na siya nga regular makeup artist sa mga dagkong event kaniadto.

Tungod niini, dako ang iyang pagpasalamat sa sa producer kaniadto sa Singgit Cebu nga si Lily Yap sa dakong pagsalig kaniya nga gikahimuot sa iyang dughan sanglit alang kaniya, usa ka respetado ug inilang TV network ang GMA sa tibuok nasud.

Dugang pa niya, pinaagi sa pag makeup, mapadayag niya ang iyang pagka- creative isip usa ka artist.

Mas malipay matud pa siya sa dihang makita na niya ang linahi nga kaanyag sa iyang kliyente human niya mabutangan og pagpangarte sa nawong niini.

Lab –as  pa alang kaniya niadtong giila ang iyang obra kung diin siya ang migawas nga Best Make Up Artist sa Palarong Pambansa niadtong tuig 2010 nga gipahigayun didto sa Puerto Princesa, Palawan.

“Always do your make up on a well-lit room. And always remember that make up should be light as possible lang. Because it is there to enhance your natural beauty, not to cover it up,” pagpaambit niya alang sa mga kababayen-an nga  mahiligon sa make-up.

Sa mga nakab-ot niyang kalampusan, wala  siyay laing rason nga gituhuan arun magmalampuson kun dili ang makanunayun niyang pag- una sa iyang responsibilidad ngadto sa iyang pamilya.

Sanglit gipalabi gyud niya nga makahuman ang tanan niyang mga igsuon sa pagtungha niini sa kolehiyo.

“Akong dakong pasalamat sa tanan nakong costumers sa inyong pagsalig kanako sa kanunay.It means so much to me to see how beautiful you turn out to be and for always coming back for my services. Daghan kaayong salamat ninyung tanan,” saysay pa ni Gretchen.

Fast talk with La Greta

BNH: Mag usab-usab ba ang trend sa make up?

Gretchen: Definitely yes, every year and generation naa gyuy mga new looks.

BNH: Unsa nay in-na-in karon nga klase sa makeup?

Gretchen: Uso na kaayo karon ang fresh look makeup.

BNH: Gawas sa imong pagka makeup artist, unsa pay imong lain nga gikabisihan?

Gretchen: Busy sad ko in styling, events coordination, ug pag-design og mga gown.

Kinsay bigaon ug himabaye?

Makaintriga ang Instagram posts sa hair stylist ug personal assistant ni Bea Alonzo.

Ang stylist nga may handle name sa Instagram nga @ayuhamasaki, nagkanayon: “Bakit hindi na lang magkatuluyan ang mga TAPAT AT SERYOSO at hayaang maglokohan ang MALALANDI at BABAERO.”

Samtang ang assistant nga may handle name nga, @bearose_19, gawas nga may mga emoji nga daghang mga kumo, may gibutang sab kini nga, "What on my mind???? Ambot!!", sa iyang IG post.

Taliwala kining tanan sa mga pangutana ug kalibog nganong gi-unfollow ni Bea ang iyang rumored boyfriend nga si Gerald Anderson ug Pia Wurtzbach nga maoy mga bida sa pelikula nga “My Perfect You.”

Gawas sa iyang pag-unfollow, dili na sab makita ang throwback photo nila ni Bea ug Pia nga kuha niadtong nagkatrabaho sila sa youth-oriented show, 2 B U, sa ABS-CBN kaniadto.

Kining mga posts sa mga tawong nagpalibot kang Bea, gihatagan gyud dayon og malisya sa mga netizen.

Paukyab para sa movie?

Nagkagubot ang mga netizen niadtong Miyerkules sanglit nadiskubrehan nga gi-unfollow ni Bea Alonzo sila si Pia Wurtzbach ug Gerald Anderson sa Instagram.

Sila si Pia ug Gerald maoy bida sa Star Cinema movie, “ My Perfect You”, nga padayong gisalida karon, samtang si Bea ug ang actor, taod-taod na nga gidungog nga nagkahigugmaay pag-usab.

Gitangtang sab matud pa ni Bea gikan sa iyang IG account ang movie poster sa pelikula sa mga nahisgutan.

Daghan ang nangutana kon nag-away ba sila si Bea ug Gerald o may problema ba ang ilang relasyon, hinungdan nga gi-unfollow ni Bea ang iyang rumored boyfriend.

Hinuon si Gerald padayong nag-follow nila ni Pia ug Bea, samtang ang kanhi Miss Universe follower gihapon sa aktres ug sa actor.

May mga malisyoso og hunahuna nga nangagpas nga hayan giuyab na sab ni Gerald si Pia sama sa nahitabo sa iyang mga leading lady kaniadto sama nila ni Kim Chiu ug Maja Salvador.

 May midugang pa nga lahi matud pa ang tinan-awan ni Gerald kang Pia sa ilang pelikula, samtang ang beauty-queen nikanta sab og “Bakit Ngayon Ka Lang” didto sa Araneta Coliseum samtang nag-commercial break pa ang telecast sa Bb. Pilipinas pageant diin siya ug si Richard Gutierrez maoy mga host.

Apan may mga netizen sab nga niingon nga promo ra matud pa ang tanan aron kagubtan ang pelikula ni Gerald ug Pia.

Wala pay giluwatan nga pamahayag ang masig ka habig.