Magpakasal na

CEBU, Philippines — Nangayo og pasaylo sa usa’g-usa sila si Aljur Abrenica ug Robin Padilla atol sa usa ka family dinner niadtong Martes sa gabii kauban ang isig-nila ka pamilya. Gibutyag sab ni Aljur atol sa iyang paglugwa sa Tonight With Boy Abunda niadtong Biyernes nga nahisgutan na atol sa maong dinner ang ilang pagpakasal ni Kylie sa umaabot.

Career usa

Kadaghan na ka higayon nga gibalibaran ni Sanya Lopez ang mga imbitasyon aron musalmot siya og Bb. Pilipinas. Suma pa ni Sanya, career una ang iyang prayoridad karon ug unya na siya musalmot og nasudnong indigay sa kaanyag kon 25 anyos na siya. Kanhi first runner-up si Sanya sa Ms. Bulacan ug Reyna ng Aliwan. Wala pa siya’y follow-up project human sa “Haplos” sa GMA7.

Gamay gyud daan

Gitubag ni Sunshine Cruz ang usa niya ka basher nga nipasangil nga nagpa-opera siya sa iyang hawak aron gamay tan-awon. Nahitabo kini dihang gi-upload niya ang hulagway nila ni Ina Raymundo ug Alice Dixon isip endorsers sa usa ka tuna brand. Matud ni Sunshine nga okay ra niya ang magpa-opera, apan sa iyang bahin mismo, gamay gyud siya og hawak sukad pa kaniadto.

Wala maglive-in

Giklaro ni Cavite Vice Governor Jolo Revilla nga dili pa sila kasado o wala pa sila nagpakasal ni Jodi Sta. Maria. Wala sab matud pa sila mag-live in. Matud pa ni Jolo kanunay lang gyud sila magkita sa aktres, kauban ang tagsa-tagsa nila ka mga anak.

Si Mama Mary ra…

Gitubag ni Ai Ai delas Alas ang usa ka basher nga nikomentaryo nga kutob lang sa GMA-7 ang pagka rayna nila ni Jennylyn Mercado ug Marian Rivera nga mga kauban niya sa hulagway nga iyang gi-upload. Suma pa sa basher, dili sila mga rayna nga “phenomenal around the world.” Tubag ni Ai Ai: Si Mama Mary lang ang Queen Around the world pati universe.