“SSS”

Haskang lingawa nako’s pari nga nagmisa sa 4:30p.m. mass sa Basilica del Sto. Niño adtong Biyernes uy! Joker kaayo, pero puno sa pagtulun-an iyang wali. Mukatawa ka, mu-agik-agik pa gani gyud, apan mahinuklog ka inig ka human. Pakpak for you, Padre!

Ingon si Padre, ang gugma matud pa SSS. Dili Social Security System uy—para loan to. Hahaha. SSS, according to Padre, means “Smile, Service, Sacrifice.” Ingon siya, ang paghigugma nato sa atong isigkatawo, magsugod diha sa pagpahiyom, paghatag ngadto nila sa atong matam-is nga smile. Ang gugma sab niya pa, serbisyo. Gisanglitanan niya ang usa ka inahan nga manglaba gyud sa mga sapot sa iyang mga anak, muatiman sa bana ug daghan pang gimbuhaton aron lang gyud mahatagan og kasayon ang iyang mga mahal sa kinabuhi.

Nidugang sab siya nga sakripisyo gyud ang mahigugma. Kay dili puros kalipay ang imong matagamtam kon ikaw mahigugma. Masakitan sab gyud ka. Apan kay lagi gugma man ug naghigugma ka, musakripisyo gyud ka pinaagi sa pagmapailubon, pagpasensya. Pakpak!

Nindot kay to pagkawali ni Padre ay. Maoy man gyud unta ko gumikan sab sa gugma apan nigaan akong paminaw uy. Sige man gyud unta ko’g panghupaw og lawom, nawagtang uy pagdayon nang human sa misa. Nagsige ra baya ko’g katawa naminaw niya nga nagwali. Pakpak!

Oh yes, maoy pa gyud ko. I said I’m okay na, but musuol man gyud ang pain uy. Mutusok gyud siya sa akong heart. Nabag-ohan lang gyud ko ba, wala ko ka pangandam, wala ko ka panagang. Dili mi uyab. Dili sab gyud mi mag-uyab. Gisabutan nana namo daan. Kay dili man sab gyud siya mahimong makauyab kay minyo man siya. Relihiyoso sab kaayo. Maguwang siya nako kaayo uy. Pwede nako niyang anak. But dili mana issue nako. I love man mga mature people gyud. Nothing sexual. Dili biga-biga. Real deep friendship. Hayy!

So suod kaayo mi, for almost three months. Sige’g chat. We’re very honest with each other’s feelings. We exchanged ideas. We picked each other’s minds. Nindot, gyud to nga friendship. So na-attached gyud ko’g maayo niya. Hangtud nga two weeks ago, kalit man siya’ng nausab. Nagsugod sa seen zoned, hangtud niprangka na gyud siya nga dili siya ganahan nga ma-pressure siya nga mu-reply nako. Ouch! Kalit ra man siya’g kausab gyud ngari nako. And wala ko kahibawo ngano. Ug mao nay nasakitan og maayo nako. I thought we’re real friends. I thought we would celebrate such beautiful friendship forever. Pero dili man diay. Ang sakit sakit, besh! Pakkk!

So maoy pa gyud ko. Wala man siya niingon nga dapat dili nako mu-chat niya, pero mudistansya na lang ko. The more nga mupaduol ko niya, the more nga masakitan ko sa iyang uga na kaayo nga tinagdan nako. But friends ra man gyud mi, and friends don’t breakup, right? So ma okay ra gyud ko eventually through prayers and positive mindset.  But for now, I’m in pain. I will grieve, but next week, I’ll get up. Or basin sa Easter Sunday, mabanhaw sab ang naparot ko’ng kasingkasing! Pakkk!

Have a blessed Sunday, dear okRYANians and MARKers!  Text me if you care at 09239681581