Reunion movie nila ni Sharon ug Gabby madayon?
CEBU, Philippines — Duna’y panagtigom nga nahitabo sa Star Cinema nga gitambongan nila ni Gabby Concepcion ug Sharon Cuneta niadtong Huwebes.
Kini maoy nasagap nga taho sa Philippine Entertainment Portal ug wala hinuon maklaro kung unsa ang gihisgotan apan nitumaw ang report nga "preliminary meeting" kini alang sa umaabot nila nga reunion project. Katapusang nagpares ang duha sa pelikulang Tayong Dalawa niadtong 1992. Nag-uban hinuon ang duha karong tuiga sa TV commercial sa usa ka fastfood chain. Kahinumduman nga dugay na nga giplano ang reunion project nila ni Gabby ug Sharon apan wala magtakdo ang ilang mga schedule.
Nagpa-relax sa Japan
Nibakasyon sa Japan sila si John Lloyd Cruz ug Ellen Adarna. Una na nga gibutyag ni Ellen nga ganahan gyud sila og mga laag gumikan kay ma-relax gyud sila niini. Nasayran nga gi-enjoy og maayo ni John Lloyd ang iyang kaugalingon samtang naka- indefinite leave sa showbiz.
Keveray ang show
Kever lang si Heart Evangelista sa mga tawong nanungog kaniya nga matud pa usa siya ka baog. Nitumaw ang maong intriga sanglit tulo na sila ka tuig nga minyo ni Sen. Chiz Escudero apan wala pa gyud sila’y kaugalingong anak. Tsika pa ni Heart nga dili ra siya magpaapekto sa mga tawong mangintriga kaniya.
Nagtigom para kasal
Mapasalamaton si Rodjun Cruz sa GMA-7 gumikan kay gihatagan gyud siya og mga proyekto. Nalakip ang aktor sa "Rehas" episode nga Stories For The Soul kauban si Paolo Contis. Matud pa ni Rodjun nga dako kini og tabang sanglit kinahanglan gyud siya magtigom og maayo ilabi na kaslon na sila ni Dianne Medina karong December 21, 2018.
Nadakin-as sa stage
Nahimong viral ang video kung diin nadakin-an sa entablado si Kim Chiu atol sa iyang dance number sa ASAP. Nahitabo kini sa iyang mirror dance uban nila ni Yassi Pressman, Arron Villaflor, ug Enzo Pineda. Matud pa nga ikatulo na kini nga higayon nga nadakin-as si Kim sa entablado sa ASAP.
Katungod
Tsika pa ni Angelica Panganiban nga wala’y makabuot sa gusto niya nga i-post nga hugot lines sa Instagram. Gitataw niya nga wala siya nag-mention og pangalan sa iyang mga post busa dili kini angayan atakehon. "Freedom ko yun, freedom ng mga nasaktan at nagmahal yun,” suma pa sa aktres.
Wala magdali
Gusto nila ni Pancho Magno ug Max Collins nga sunod tuig pa sila makabaton og bata. Busy ang duha sa tagsa-tagsa nila nga mga showbiz career. Suma pa magtiayon nga wala’y angay nga dalian .
Balk-serye
Human sa usa ka dekada , subling molugwa si Ara Mina sa usa ka Kapamilya series. Nalakip si Ara sa "Precious Hearts Romances Presents: Araw Gabi" nga gibidahan nila ni Barbie Imperial ug JM de Guzman . Malipayon si Ara gumikan kay subli siya nga nakadawat og acting project.
Dalaga na si Lyca
Blooming na matud pa ang aura sa singer nga si Lyca Gairanod. Lima ka tuig na ang nilabay sukad siya nakadaog sa kids edition sa "The Voice of the Philippines.” Dalaga na matud pa si Lyca inubanan sa iyang new look.
18 ka tuig na
Niabot na og 18 ka tuig ang career sa komedyanteng singer nga si K-Brosas. Mapasalamaton si K sa iyang fans gumikan kay mao kini ang rason nga nagdugay gyud ang iyang career. Nagbaha ang mga concert ni K sa abroad.
Album ni Klarisse
Gipasigarbo ni Klarisse de Guzman ang iyang latest self-titled album. Matud pa niya nagbaha ang love songs niini. Usa na niini mao ang “Wala Na Talaga,” nga theme song sa Kapamilya Asianovela nga “My Dearest Intruder”.
- Latest