Joey, insensitive!

CEBU, Philippines — Wala palabya sa pipila ka netizens ang giingong pagbinastos ni  Joey de Leon  sa usa ka contestant  sa segment sa Eat Bulaga nga "Juan For All, All For Juan" niadtong Miyerkules.

Ang contestant ginganlan og  Mary Jane nga niangkon  nga kanhi  commercial sex worker  sa Pasay City, ug karon usa na ka born-again christian nga nagpuyo sa usa ka  ministry/shelter sa Olongapo City.

Niadtong higayona ang  “All For Juan, Juan For All" segment  nanukad  sa Olongapo City uban nila ni  Jose Manalo, Wally Bayola, Paolo Ballesteros, ug Maine Mendoza.

Samtang naa sa Broadway Centrum studio sa Quezon City ang  Eat Bulaga! hosts nga sila si  Vic Sotto, Joey de Leon, ug  Allan K.

Matud pa sa pipila ka netizens, nga imbes nga mohatag og simpatiya sa contestant, giingong insensitive kaayo si Joey sa pagbuhi sa iyang komedya.

Samtang nisaysay ang maong contestant sa iyang mga pait nga kaagi, nihirit og komedya  si  Joey pinaagi sa pagpangutana kon duna  ba kini nahimong customer nga taga Eat Bulaga.

Pasabot ni Joey mao ang mga host nga sila si Wally ug Jose.

“May naging guest ka bang taga-Eat Bulaga? Hindi, baka napasyal lang. 'Yang dalawang katabi mo,” suma pa ni Joey.

Nagkanayon ang pipila ka netizens nga offensive kaayo ang pangutana ni Joey.