Joseph mo-eskwela sa laing nasud

CEBU, Philippines — Usa sa mga sikat kaayo karon nga bituon sa ABS-CBN si Joseph Marco kinsa nalakip sa seryeng Wildflower nga natapos na sa miaging semana.

Sama sa bida sa Wildflower nga si Maja Salvador, nakadawat na usab og ubay-ubay nga proyekto si  Joseph tungod sa maong serye.

Usa si Joseph sa mga guest sa concert ni Maja dinhi sa Sugbo diin gidalit nila sa katawhan ang ilang sexy dance

Atol sa pagpakighinabi sa mga sakop sa Cebu Entertainment Group kaniya, gipaambit sa aktor ang dakong kalipay sa pagsaka og maayo sa iyang career.

Suma pa sa aktor nga gipabaid og maayo sa Wildflower ang abilidad niya sa pag-arte. Nasayran nga mga bug-at gyud nga eksena ang iyang naagian sa maong serye ilabi na sa pakig-atubang niya sa pamilyang Ardiente.

Gawas sa drama scenes ,  nasuwayan usab niya ang grabe nga action scenes sa maong serye.

“Marami talaga akong natutunan dito. Dito ako na stretch-out. Kasi nga siguro dahil ang character ko dito yung may pinaka. Ang dami kong mga pinaglalaban. Ang daming namatay dahil sa akin. Sobrang  bigat ng baggage na dinadala ni Diego. My character teaches me to be patient to step-up every day,” pagpaambit pa sa aktor.

Nilungtad og taas nga panahon sa kahanginan ang maong serye busa dili gyud basta-basta ang iyang naagian.

Nasayran nga dili pilian og role si Joseph hinungdan nga nagdugay gyud ang iyang career.

Malipayon usab niya nga gipahibalo nga duna siya’y plano nga mohimo og international film nga didto i-shoot sa Taiwan ug matud pa niya, 80% na ang tsansa nga mahinayun gyud.

Karon nga nahuman na ang Wildflower, target sa aktor nga mo-abroad aron ma-relax ug plano usab niya nga mopadayon sa iyang pagtungha sa laing nasud.

“Thankful ako sa mga taong nakakita ng potential sakin. Pinaghirapan ko talaga ang role ko sa Wildflower. I’ve been in this industry for seven years with ABS-CBN. After ng serye na ‘to gusto ko munang magpahinga kasi one year din naming ginagawa to at talagang may progress rin na nangyari sa buhay namin. I want to study abroad after ng Wildflower,” saysay pa niya.

Gawas sa mga proyekto sa telebisyon, nagbaha usab ang mga pelikula ni Joseph ug pipila niini naglangkob sa The Reunion, 24/7 in Love, A Moment In Time, Saturday Night Chills, Saka Saka, On the Job ,Talk Back and You're Dead, My Rebound Girl, Pwera Usog, Dear Other Self ug Triptiko