Queen of Pasil karong gabii na!

CEBU, Philippines — Mahitabo na karong  alas 8  sa gabii ang gikahinamang Queen of Pasil nga ipahigayon diha sa  Cebu City Sports Institute Gymnasium sa Barangay San Nicolas.

Moabot ngadto sa 19 ka mga  transgender nga kandidata ang magtigi sa nahisgotang  korona.

Nasayran nga matag tuig na kining giatangan sa pipila ka pageant enthusiasts tungod sa ka hugyaw sa production niini.

Matud  pa ni Arjay Obguia, ang over all chair sa maong pageant karong tuiga, ‘The Battle of Kingdom Animalia and Amazons’ maoy tema sa indigay.

Kini na maoy ikatulong tuig sa pagpahigayon sa maong kompetisyun. Gilauman nga sama sa naandan, hugyaw sab nga mga performance ang idalit sa mga kandidata. Ang tickets mapalit sa tag P150.00 ug P100.00. (BANAT NEWS)