Singing Bebe Boys

CEBU, Philippines - Pormal nang sugdan karong alas 7:30 sa buntag ang panagtigi sa mga gwapo ug maayong mukanta nga bebe boys sa Sugbo.

Kini pinaagi sa labing bag-ong segment sa Saturday variety show sa ABS-CBN-Cebu, Kapamilya Mas Winner Ka (KMWK), nga giulohan og Singing Bebe Boys.

Ang maong panagtigi bukas alang sa mga bebe boys nga nag-edad og 16- 25 anyos.

Alang sa unang sultada mulugwa sila si Jeff Cabrera ug Jim Lorenz aron magsangka ug ilhon nga mas maayong muharana.

James maoy Pedro Penduko!

Kumpirmado na nga si James Reid maoy mo-portray sa role sa iconic Filipino superhero nga Pedro Penduko.

Gipahibalo kini sa VIVA Artists Agency pinaagi sa pag-post og  hulagway ni  James  atol sa pag-anunsyo niini sa  HistoryCon PH nga gihimo sa  World Trade Center sa  Pasay City sa miaging gabii.

Ang Filipino actor nga si   Efren Reyes Sr. maoy labing una nga nidala sa maong role ug gisundan kini ni Ramon Zamora.

Usa sa mga sikat nga nidala isip Pedro Penduko mao si  Janno Gibbs nga nakagama na og duha ka mga pelikula alang sa maong role.

Si Matt Evans usab ang first actor nga nidala niini alang sa TV version.

Gibutyag ni James nga excited na siya sa maong pelikula gumikan kay mao kini ang labing una nga higayon nga modala siya isip superhero.  Ang maong proyekto gikatakdang himuon sunod tuig. 

Tinud-anay nga higala

Gibisita ni Miss Universe 2015  Pia Wurtzbach ang nagsabak niya nga bestfriend nga si  Pauleen Luna.  Bisan pa man sa iyang ka-busy, dili gyud kalimtan ni Pia ang pagahin og oras alang sa suod niya nga higala.

Gasoline station target ni Alden

Malipayon si   Alden Richards gumikan kay maayo ang dagan sa iyang  mga restaurant . Suma pa niya nga duna kini umaabot nga ikaupat nga branch.   Target usab ni  Alden  nga mo-franchise og gasoline station karong tuiga.  Gusto sa aktor nga duna’y padulngan ang iyang kita sa showbiz.

No idea

Wala’y ideya si  Lovi Poe sa  kasikas  sa iyang ex-boyfriend  nga si  Rocco Nacino.  Iyang gitataw nga magtagad gihapon sila niini.  Gidungog nga nidiskarte si Rocco ngadto sa ka-loveteam niini nga si Sanya Lopez.

Maayong bana

Gipasalig ni Billy Crawford  nga usa siya ka responsableng bana  ni  Coleen Garcia.  Nagpanikad na ang TV host sa umaabot nga kasal nila ni Coleen karong tuiga.

Mokatawa na lang

Tsika pa  ni  Ahron Villena nga kaila siya sa iyang kaugalingon  busa  igo ra gyud siya mokatawa sa higayon  nga  kuwestyonon  ang iyang gender.   Suma pa sa aktor nga naanad na siya sa mga intriga. "Alam ko sa sarili ko kung ano ako,” hirit pa sa aktor.

Bag-ong kalingawan ni Julia

Ang pagluto  maoy usa sa  gikalingawan ni Julia Montes kon dili siya busy. Siya mismo ang mangunay og luto sa mga pagkaon kon duna siya’y mga bisita.

Mahugyaw dayon

Gibutyag ni Andrea Torres nga sa pilot episode  pa lang daan sa "Alyas Robin Hood" Book 2 karong August 14, seguradong  mahugyaw na ang viewers niini.  Modala si Andrea isip Venus nga leading lady  ni Dingdong Dantes."First scene pa lang, nakakagulat na agad. Go na agad. Masasabi mo 'Ay, level up nga talaga agad,'" suma pa ni Andrea.

Mapuno sa katawa

Mapuno sa katawa ang umaabot nga show nila ni Ai AI delas Alas ug Vic Sotto sa GMA-7. Suma pa ni Ai Ai nga excited na kaayo sa maong proyekto gumikan  kay makauban niya ang usa sa mga beterano sa natad sa komedya.

Best in depensa

Gibutyag ni Edward Barbers nga ganahan siya kang May May Entrata busa dili siya manumbaling sa  mga tawo nga magsige og saway sa ilang tandem.  Suma pa ni Edward nga buotan ug lingaw ikauban si Maymay. "I wanna be with Maymay,” suma pa niya.

Mikoy ug Thea nagbuwag

Kumpirmadong nagbuwag sila si Mikoy Morales ug TheaTolentino sa miaging semana. Nasayran nga nilungtad og upat ka tuig ang ilang relasyon. Suma pa ni Mikoy nga naa lang gyu’y laing mga butang nga angayan hatagan nila og pagtagad.

Attitude problem issue Inahan ni Onyok  mitingog na!

Mitingog na ang inahan  sa  child star nga si Xymon Ezekiel Pineda o Onyok  kalabot sa tsismis nga matud pa  duna siya’y attitude problem hinungdan nga gitangtang  ang iyang anak sa Ang Probinsyano.

Suma pa sa inahan ni Onyok nga si Mary Ann Nulos sa dihang nahinahi sa pep.ph   nga  siya mismo ang nihukom nga papahuwayon ang iyang anak sa trabaho aron maka-focus kini sa pagtungha.

Duna’y  mga higayon nga igo ra siya mangutana  sa production team sa maong serye kalabot sa cut-off sa taping ug dili tinuod nga duna siya’y attitude problem.

Gianugonan si Mary Ann sa maong serye apan gusto lang gyud niya nga mahatagan og dakong oras ni Onyok ang pag-eskwela niini ug nananghid siya og tarong sa kadagkoan sa maong serye.

Dako ang iyang pasalamat sa serye ni Coco Martin gumikan kay dinhi nisikat og maayo si Onyok ug nakabaton usab kini og mga endorsement.

Turismo sa nasud palamboon sa Eat Bulaga

Gisugdan dili pa lang dugay ang labing bag-o nga segment sa  Eat Bulaga nga "Miss Millennial Philippines 2017".

Sa unang semana sa maong kompetisyon, nagtigi sila si Carina Cariño (La Union), Jozlyn Manansala (Laguna), Kimberly Johnson (Zambales), Chelsea Claro (Nueva Vizcaya) , Shaira Joy Dizon (Malabon)  , Jaya Pearl Cartujano ( Capiz)

 Nasayran nga nalakip niini ang Sugbuanon nga si Sarah Elizabeth Madrigal   nga nagdala sa tingog sa Lapu-Lapu City ug molugwa siya puhon sa maong segment.

Ang  "Miss Millennial Philippines 2017"  maoy  usa sa anniversary segment sa Eat Bulaga diin naghatag kini og luna sa pag-promote sa turismo sa  nagkadaiyang dapit sa Pilipinas.

Nasayran nga matag lugar nga gipresenta sa mga kandidata, ipakita ang hugyaw nila nga mga lugar busa makatabang kini sa pag-agni og mga tawo nga mobisita sa ilang dapit.

"The beauty pageant with the girls on it is just secondary. The true pageant is how you sell your province to the viewers," suma pa ni Jeny Ferre, ang creative head sa "Eat Bulaga".

Dugang pa ni Ferry ,  sa dihang  giluto  nila ang maong segment,  naa gyud sa ilang huna-huna nga daghan gyud og mga nindot nga  lugar sa nasud nga angayan pa i-discover .

Pinaagi sa "Miss Millennial Philippines 2017’ mailhan kini sa publiko.

"When we come up with a new segment, we try to think of its possible contribution to the community. There are a lot of beautiful places in the Philippines which are not shown or reported on the news,” saysay pa niya.

Sa maong segment, mahimo usab nila nga ka-partner ang social media sa pag-promote sa  hugyaw nga mga  lugar sa Pilipinas.

“We want to create a better image of the country. And through this new segment, we want to show everyone, especially our fellow countrymen that the Philippines is worth a second look,” matud pa ni Ferre.

Sa  katapusang bahin sa maong kompetisyon,  ang “Miss Millennial Philippines” grand winner, nga  mapili pinaagi sa  text ug  online votes, makadawat og  condominium unit gikan sa Bria Homes,  Mitsubishi Montero Sport, ug  P500,000.

Ang  "Eat, Bulaga!" modeklarar usab og  usa ka titulo nga  Miss Bayanihan Queen gikan sa  38 contestants nga maka- produce og best online tourism campaign sa iyang lugar.  Makadawat siya og  P100,000 ug P1 million alang sa iyang probinsya.

Ang ubang contestants naglangkob nila ni  Eleonora Valentina Laorenza (Aklan), Tarilaye John Beke (Antique) Joan Marie Abanza (Apayao), Arrianne Dia Gallotan (Benguet), Edelle Rose Paller Pilatan (Bulacan), Jenny Rose Ignacio (Caloocan City), Julia Gonowon (Camarines Sur), Teresa Soledad (Camiguin), Kimberly Anne Bernal (Cavite), Allyza Molly Teodora (Davao City), Josephine Segovia (Guimaras), Dianne Irish Joy Lacayanga (Ilocos Norte), Jeanevave Cabautan (Isabela), Czarmy Alcober (Leyte), Camille Mirafuentes Folio (South Cotabato), ug Patriz Anne Dabu (Bataan).

Mokompleto sa listahan mao sila si  Daniela Lampey (Mandaluyong City), Vanna Vefsie Discaya (Masbate), Berjayneth Goc-Ong Chee (Misamis Oriental), Chrischelle Sarte Maranon (Nueva Ecija), Joannie Olila (Muntinlupa City), Angelica Esther Portugaleza (Negros Occidental), Jasmine Bungay (Pampanga), Annie Uson (Pangasinan), Sofia Jane Panapanaan (Paranaque City), Mary Justine Anne Lucero (Puerto Princesa, Palawan), Jenwell Morante (Quezon Province), Ladylyn Santos (Quirino), Carmela Villaruel (Sarangani), Camille Folio (South Cotabato), Naoimi Leano (Tarlac), ug  Mary Jade Capin ( Zamboanga, Sibugay). (BANAT NEWS)