Fashionable Friday; “Satisfaction Means Business”
Jaypee Lao (Banat) - July 27, 2017 - 4:00pm

Fast Facts

Narsceso Salazar Ochia

Nick name: NARS

Name of Boutique: Nars Ochia Collection

Address:  610 A.C Padilla St. Mambaling Cebu City

Birthday: October 2, 1987

Place of Birth: Cagayan de oro

Age: 30yrs old

Face book page: Nars Ochia Collection

Facebook: Nars Salazar Ochia

Itandi sa ubang designers nga nagsugod gyud sa pagdesinyo og mga nagkadaiyang gowns ug dresses, nagsugod si Narsceso Salazar Ochia o kun mas naila isip Nars sa pagrampa sa entablado.

Kanunay siyang mag -apilan og Miss Gay beauty pageant kaniadto, ug kalit iyang nahunahunaan nga imbis mangabang og mga gown nga iyang sul-ubon atol sa iyahang mga nagkadaiyang rampa, mobuhat na lamang siya og kaugalingun niyang mugna  gumikan kay gawas nga maka-save siya, kontento usab siya sa  resulta niini.

Hangtud nga nahimo na siyang handler sa mga nagkadaiyang kandidata nga magsalmutan og mga beauty pageant dinhi sa Sugbo hinungdan nga mas nisaka pa ang demand sa pagama niya og mga gown ug  dinhi na nagsugod ang paghigugma niya sa fashion world.

Apan labaw pa sa passion nga iyang gi-dedicate sa pagmugna og mga gown, nabatyagan niya ang linahi nga kalipay sa higayon nga makita niya ang iyang mga obra nga irampa sa matag kandidata sa entablado.

Matud pa ni Nars, lima ka tuig na siyang nahimong designer sa Sugbo. Sama sa ubang designers, makadaghan na usab nga higayun nga  gisuwayan  siya sa panahon.

Sa pagsugod niya, daghan siya'g gustong buhaton nga desinyo apan dili madayon tungod sa kakuwang sa kuwarta.

May higayon usab nga sukdon ang iyang pasensya sa mga tawong modaut sa iyang desinyo, apan kining tanan wala gyud makatumpag kaniya tungod sa tiunay niyang pagpaningkamot sanglit gipatigbabaw niya sa iyang pagkatawo ang pagkab- ot sa mga oportunidad nga gusto niyang maangkon arun mamahimong malampuson.

"Ang tawo nga determinado, dili  gyud mo undang og  dili makab-ot ang iyang pangandoy. Tuod man naa koy  mga challenges before pero dili kato rason aron moundang ko.Ang mga pagsuway akong gihimong kusog aron ako magpadayon sa pag- design ug makab -ot ang akong pangandoy," saysay pa ni Nars.

Dugang pa niya, sa matag desinyo nga iyang pagahimuon, lain lain ang gihimo niyang inspirasyon niini ug usa sa gipahinungdan niya niini mao ang iyang inahan nga mipanaw na.

Sa pagka -designer karun ni Nars, gusto niyang mahatagan og dakong importansya ang dako niyang pagpaningkamot.

Nga bisan pa man sa kalisud ug mga diskriminasyon nga nasinati niya kaniadto, nagpadayon lang gihapon siya sa pagkab- ot sa tinguha niya nga mamahimong usa sa mga inilang designers sa Sugbo.

Gusto niyang mahimong inspirasyon sa uban nga dili rason ang kalisud arun mohunong na sa pagdamgo ug pagkab -ot sa mga pangandoy.

Matud ni Nars, mokulit og dakong kamaya sa iyang dughan ang mga malipayong nawong sa iyang mga kliyente sa panahong malipay kini sa ginama niyang mga sapot.

Sanglit alang kaniya, kalipay sa usa ka designer ang makitang malipayon ug kontento ang customers sa gipabuhat niini.

"Satisfaction means business," mao kini ang kanunay'ng gipatigbabaw sa alimpatakan ni Nars kay sa matag panahong mauyunan ang ginama sa usa ka designer, siguradong matud pa, ipanabi ug irefer gyud ka sa ubang tawo..

Dungan sa pagkahimo niyang designer, dako usab ang iyang pasalamat ngadto sa iyang mga staff.

Kay alang ni Nars, dili siya mahimong successful designer kon dili tungod sa iyang mga sakop nga may dakong dedikasyon sab sa pagserbisyo kaniya.

Sa pila ka tuig nga pagka designer ni Nars, nakat-unan niya nga ang sikreto arun siya magpadayun , ug kini  mao ang pagpaubos perme ug ang paghatag og dakong bili sa pamilya kansang anaa perme sa iyang kiliran ug sa mga panahong makaangkon siya og bisag ginagmay nga mga kalampusan.

Q and A

BNH: Unsay imong mensahe sa mga young aspiring designers karon?

Nars: Always follow you heart, daghan mo'g mga maagian nga kalisod pero gamita kini isip inspirasyon aron kamo magmalampuson.

BNH: Kon wala ka mahimong designer lagmit unsa ka karon?

Nars: Make- up artist, tungod malipay gyud ko every time mapa -guwapa nako ang akong mga clients ug malipay sila. Make up is also my passion next to designing gowns

BNH: Unsay mensahe nimo sa imong mga client ug sa mga tawng padayon nga misalig sa imong linahi nga talento isip fashion designer?

Nars: Una sa tanan daghan kaayong salamat sa akong mga client  sa kanunay ninyong suporta ug sa pagsalig sa akong capabilities as a designer. Hinaot nga dili mo mapul-an sa pagsuporta nako. Akong gi -promise nga di ko magbag -o tungod kay kamo ang usa sa akong mga inspirasyon para mas ninduton pa ang akong mga designs. (BANAT NEWS)

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with