Bokalista sa Linkin Park ‘naghikog’
Israeli Prime Minister Benjamin Netanyahu, second left, and French President Emmanuel Macron, second right, pay their respect after laying a wreath at the Vel d'Hiv roundup memorial, during a ceremony commemorating the 75nd anniversary of the Vel d'Hiv roundup, Sunday, July 16, 2017 in Paris. French Jewish leaders are giving speeches at an emotional ceremony at the Vel d'Hiv stadium outside Paris, where French police rounded up some 13,000 people on July 16-17, 1942 before they were sent on to camps. Fewer than 100 survived. (AP Photo/Kamil Zihnioglu, Pool)
CEBU, Philippines - Patay na nga nakaplagan ang lawas sa lead singer sa rock band nga Linkin Park nga si Chester Bennington sa panimalay niini sa southern California.
Giingong naghikog ang maong singer base sa pasiuna nga imbestigasyon.
Suma pa sa tinubdan sa entertainment website nga TMZ nga nagbitay sa iyang kaugalingon ang singer sa iyang balay sa Palos Verdes kagahapon .
"Shocked and heartbroken, but it's true. An official statement will come out as soon as we have one,” tweet sa kauban ni Chester sa banda nga si Mike Shinoda.
Nasayran nga duna’y kasaysayan sa alcohol ug drug abuse ang singer.
Ang latest studio album sa Linkin Park nag-ulohan og "One More Light," nga gi-release niadtong Mayo.
Nasayran nga duna untay concert ang maong grupo sa Mansfield, Massachusetts karong July 27 nga tipik sa ilang world tour.
Soud nga higala ni Chester ang frontman sa bandang Soundgarden nga si Chris Cornell nga naghikog pud niadtong Mayo.
Sa pagkutlo ni Chester sa iyang kinabuhi kagahapon, mao kini ang 53rd birthday ni Chris.
Ang Linkin Park maoy nagpasikat sa "In the End" "One Step Closer", "Crawling" ug What I’ve Done.
Aduna’y unom ka anak ang 41 anyos nga si Chester. Ang maong banda nahalinan og kapin sa 70 million albums worldwide.
Nagbangotan sa kamatayon ni Chester ang pipila ka mga personalidad, kini sama nila ni Dwayne Johnson, Joe Sugg ug Jimmy Kimmel.
Nipadangat usab sa ilang pahasubo ang pipila ka banda , sama sa Stromzy, You Me at Six, Imagine Dragons, ug One Republic.
Despacito naglawig
Puwerting lipaya sa Puerto Rican singer nga si Luis Fonsi sa dihang gideklarar nga “most streamed song of all time” ang awit niya nga Despacito.
Ang maong awit nakalangkat og 4.6 billion streams sa YouTube ug Spotify.
Gi-release kini niadtong Enero karong tuiga ug nisaka og samot ang popularidad niini
Sa dihang nihatag sa iyang partisipasyon si Justin Bieber sa remix version niini.
Termino sa Spanish ang "Despacito" nga nagkahulogan og "slowly" . Kanunay kini nga nahimutang sa unang puwesto sa US singles chart sulod sa napulo na ka semana.
Naka-award sa mama
Gipadungog-dungog ni Jenine Desiderio pinaagi sa Twitter ang iyang anak nga si Janella Salvador. Gihulagway niya kini nga "Nuknukan ng tigas ng ulo." Duna’y nag-ingon nga dili mananghid si Janella kon molaag kini hinungdan nga nasuko pag-ayo ang iyang inahan.
Ahron mitubag
Gitataw ni Ahron Villena nga wala gyud sila nagkauyab ni Cacai Bautista. Kalabot kini sa statement ni Cacai nga nipasumbingay nga matud pa duna sila’y kagahapon. Gitataw usab sa aktor nga dili suweto si Cacai sa iyang kinabuhi.
Tukhang
Sila si Karel Marquez, Yul Servo, ug James Blanco ang mga bida sa mini series nga Tukhang nga matan-awan sa SARI SARI Channel, ug Bloomberg TV Philippines. Nalakip usab niini sila si Janna Victoria, Butch Francisco, Archi Adamos, Jerould Aceron, Zandra Summer, ug Jake Macapagal.
Mapasalamaton sa Dos
Tsika pa ni Carmi Martin nga mapasalamaton kaayo siya sa ABS-CBN gumikan kay gibanhaw gyud ang iyang career. Nasayran nga nagsagunson ang paglugwa ni Carmi sa nagkadaiya nga mga show sa maong network.
Laila nagyawyaw
Wala mahimuot ang TV5 reporter nga si Laila Chikadora sa wala pagamit sa programang Aksyon Sa Umaga sa iyang voice-over sa iyang report kalabot sa 40th Gawad Urian. Suma pa niya nga nausik ang iyang gihagoan gumikan kay wala kini hatagi og bili sa kadagkoan sa maong show. “Kebs ko sa discretion ninyo, if you think nababastusan kayo sa post ko na ito, mas una niyo akong binastos. You don’t know good showbiz stories when you see one. Tapos kapag napanood niyo sa ibang networks naghahabol naman kayo. Imbes na nakakasabay tayo. Yung sa totoo lang tayo ha?,” suma pa sa iyang Facebook post.
Naukyab ang netizens
Nakadawat og nagkalain-laing reaksyon gikan sa netizens ang caption ni Joey de Leon sa hulagway nga iyang gi-post sa iyang Instagram account. Sa maong hulagway, katupad ni Joey ang iyang asawa nga si Eileen Macapagal-de Leon ug kuha kini sa ilang pagbakasyon sa Barcelona, Spain. Aduna kini caption nga “Kathniel 10 years ago! Ola!”. Pipila ka netizens ang nilenggua kung nganong wala gamita ni Joey ang termino nga AlDub nga unta kauban niya kini sa Eat Bulaga. Apan duna pu’y nidepensa sa TV host ug nipadayag kini nga igo lang gibasehan ni Joey ang pelikula sa KathNiel nga gi-shoot sa Barcelona.
Suki sa pageant
Dakong garbo alang kang Xian Lim nga usa siya sa mga host sa Miss Grand International karong tuiga. Makauban niya sa pag-host sa maong indigay mao si Miss Grand International 2016 first runner-up Nicole Cordoves,
Nasayran nga nabaid na ang iyang hosting skills sanglit upat na siya ka tuig nga nag-host sa laing indigay nga Binibining Pilipinas.
Busy sa musical show
Si Paolo Bediones maoy usa sa mga producer sa musical show niya nga “Good Vibes with Paolo”. Mao na kini ang bag-ong gikabisihan ni Paolo sukad kini nahilom sa telebisyon. Kahinumdoman nga nalambigit siya kaniadto sa sex scandal ug didto nahilom og sugod ang iyang career.
Nakahilak sa kadaogan
Nahimong emosyonal si Christian Bables sa iyang kadaogan sa 40th Gawad Urian Awards. Siya maoy napili nga Best Supporting Actor alang sa iyang role nga best friend ni Paolo Ballesteros sa pelikulang "Die Beautiful." Todo hilak si Christian sa backstage sa dihang ni-congratulate kaniya si John Lloyd Cruz.
Sekreto ni Gloria
Gibutyag sa 66 anyos nga aktres nga si Gloria Diaz nga aktibo siya sa pag-gym hinungdan nga bata pa siya tan-awon. Gisuwayan gyud niya ang boxing nga maoy rason nga slim gihapon ang iyang lawas.
Beauty queens miduaw sa mga sundalo
Giduaw sa winners sa 2017 Binibining Pilipinas sa AFP hospital ang mga samaran nga sundalo nga apil sa operasyon didto sa Marawi
Tipik kini sa charity work sa BPCI ug nitikang gyud ang Binibining Pilipinas beauties nga sila si 2017 Miss Universe Philippines Rachel Peters ug Miss Supranational Chanel Olive Thomas .
"I don’t know where are my emotions right now. Sadness but also we put smiles on their faces and it’s an honor to meet them and be here," saysay pa ni Rachel ngadto sa showbiz website nga Push.
Nibisita usab sa mga sundalo sila si 2017 Binibining Pilipinas Globe Nelda Ibe ug 2017 Binibining Pilipinas Intercontinental Katarina Rodriguez ug dako ang ilang kalipay nga nahimamat ang mga bayani sa nasud.
"Ito na ang pinaka-highlight ng reign ko, to be here with the Marawi soldiers," suma pa ni Nelda.
Wala usab sipyata nila ni 2017 Binibining Pilipinas International Mariel De Leon ug 2017 Binibining Pilipinas Grand International Elizabeth Clenci ang maong kalihokan.
"This is the main part of being a beauty queen. That’s what it is to me. It’s the heart behind it all, the performance onstage is just a small part of it," nagkanayon si Elizabeth.
Andrea Tovar mabdos
Nagsabak ang 2016 Miss Universe 2nd runner up nga si Andrea Tovar (Colombia) ug kini suma pa sa report sa entertainment magazine sa Colombia nga TVyNovelas.
Kahinumdoman nga usa si Miss Colombia sa mga early favorite sa dihang nibisita kini sa Pilipinas kung diin gipahigayon ang 65th Miss Universe pageant.
Sa pagka-karon, ni-congratulate kang Andrea ang iyang mga higala ug usa na niini mao si 2016 Miss Universe-Thailand Nam Thalia.
Samtang nitubag usab si Andrea sa mga tawong nihatag og negatibong komento sa iyang pagka-mabdos.
“Judge me as you want, it's your opinion but the truth is mine. The truth is a blessing and it is my happiness,” suma pa sa iyang Instagram post. (BANAT NEWS)
- Latest
