Anne ug Dingdong magpares sa pelikula
CEBU, Philippines - Sa labing unang higayun magpares sa usa ka movie project ang Kapuso Primetime King nga si Dingdong Dantes ug ang usa sa mga nag-unang Kapamilya Star nga si Anne Curtis.
Ang pelikula adunay working title nga "Sid and Aya (Not A Love Story) " ubos sa produksiyon sa Viva ug N2 Films.
Sa social media post ni Neil Arce, usa sa mga producer sa maong pelikula, iyang gipakita ang hulagway sa duha atol sa test look niini.
Gawas niini, wala na siya mohatag pa og laing detalye kalabut sa maong movie project.
Kahinumduman nga niadtong 1990's nagkauban na ang duha sa gi -produce nga TVshows sa Viva nga TGIS ug Anna Karenina nga parehong nilugwa sa GMA7 apan mao kini ang labing unang higayun nga magpares sila sa usa ka pelikula. (BANAT NEWS)
- Latest