Importante ang karon

CEBU, Philippines - Kever ra ang  Kapuso star  nga si Julie Anne San Jose sa mga na-link kaniadto sa iyang hinigugma karon nga si Benjamin Alves. Matud pa niya nga mas importante nga mo-focus siya sa kasamtangang sitwasyon. "I don't like it when it comes to the past. I don't live there anymore. There's no point talking about it anymore because it's done”, suma pa ni Julie Anne.

Nasayop

Gibutyag sa usa sa mga bida sa Dear Other Self nga si Xian Lim nga nasayop gyud siya sa iyang unang impresyon ngadto kang Jodi Sta. Maria. “Sa una nakaka-intimidate dahil Jodi Sta. Maria yan eh pero napaka professional. Kalog din pala siya at magaling din mag-joke”, suma pa niya.

Niuli Na

Niuli ra diay si Megastar Sharon Cuneta dinhi sa nasud human sa iyang paukyab nga nangita na siya og permanenteng kapuy-an didto sa laing nasud. Sa iyang pagbalik, gisugat siya og mga tam-is nga mensahe gikan sa iyang mga anak.

Motrabaho gihapon

Walay plano nga mopahuway una sa trabaho ang MARS host nga si Camille Prats. Lima ka buwan na nga nagsabak karon si Camille. Matud pa niya nga mura siya og masakit kun magpundo ra siya sa balay. Dugang pa niya nga pangontra usab kini sa iyang paglihi.

Jeron sa MTB

Malakip  na ang basketball player nga si Jeron Teng sa Kapuso serye nga Meant To Be. Adunay palahi nga karakter si Jeron busa giatngan na kini pag-ayo sa iyang fans.

Nigiya sa mga anak

Malipayong gipaambit ni Robin Padilla nga ang iyang asawa nga si Mariel Rodriguez maoy  nigiya sa iyang mga anak nga sila si  Queenie ug Kylie sa ilang pagsabak. Matud pa niya nga buntag hangtod sa gabii kini makig-istorya sa iyang mga anak aron pahimangnuan kung unsa ang  angayan buhaton.

Sikat ang anak

Giangkon ni Iya Villania nga mas sikat na karon ang ilang anak nga si Baby Primo kaysa nilang duha sa iyang bana nga si Drew Arellano. Tsika pa niya nga daghan gyud ang moduol ug magpakuha og litrato sa mga publikong mga lugar kung kuyog nila ang ilang unico hijo.

Naglikay ni Vice?

Gi-deny ni David Licauco ang taho nga gilikayan niya ang na-link niya kaniadto nga  si Vice Ganda hinungdan nga nibalhin siya sa  Kapuso Network. Matud pa niya pabilin ra ang ilang komunikasyon sa komedyante.  Matud pa niya nga  nakugang siya  sa pagka-link sa iyang pangalan ngadto sa komedyanteng TV host  kinsa nakauban niya kaniadto sa pelikulang The Amazing Praybeyt Benjamin niadtong 2014.

Bisita ra

Gilimod ni Lovi Poe ang espekulasyon nga matud pa  naglive-in na sila sa iyang  French boyfriend nga si Chris Johnson. Giingong kanunay makit-an si Chris sa balay sa aktres. Giklaro niya nga kanunay nga mobisita kaniya si Chris ug wala pa sila’y plano nga mag-ipon  gumikan kay sayo pa kaayo alang sa maong butang.

Kita Kita

Gilusad na sa Spring Films ang ilang bag-ong pelikula nga “Kita Kita. Mobida niini sila si Empoy Marquez ug Alessandra de Rossi. Ubos kini sa direksyon ni Sigrid Bernardo ug mapagawas kini sa mga sinehan karong Hulyo 19. (BANAT NEWS)