Elmo wala mauyoni sa inahan ni Janella?
CEBU, Philippines - Niulbo ang mga pagduda nga matud pa si Elmo Magalona ang gipasabot sa inahan ni Janella Salvador nga si Jenine Desiderio nga matud pa duna’y mystery guy nga duna’y kuwestyonable nga intensyon sa iyang anak.
Giingong usa kini sa rason kung nganong wala magdugay ang seryeng Born For You gumikan kay matud pa dili uyon ang inahan ni Janella ngadto kang Elmo.
Apan tak-om lang ang inahan sa aktres kalabot niini ug nitataw nga dili niya panganlan ang maong mystery guy aron dili madaot ang pangalan niini.
Kris mihangyo kang Digong
Gibutyag ni Presidente Rodrigo Duterte nga gipadalhan siya og text message ni Kris Aquino ug nihangyo kini nga dili unta initan ang igsuon niini nga si kanhi Presidente Benigno "Noynoy" Aquino.
Kini kalabot sa isyu saMamasapano massacre, kung diin 44 nga sakop sa Philippine National Police - Special Action Force (PNP-SAF) ang napatay sa grupong Bangsamoro Islamic Freedom Fighters (BIFF) ug Moro Islamic Liberation Front (MILF) niadtong 2015.
“Si Kris nag-text. Sabi, 'Huwag mo namang ipakulong si Noynoy,” suma pa sa Presidentenga namantala sa GMA News Online.
Nitubag matud pa ang presidente ngadto kang Kris, “No Kris. I am not out to find faults. I just want to know the truth.”
Gibutyag ni Duterte nga dili na niya ipadayon ang pag-umol og komisyon nga motuki sa Mamasapano incident.
Huwaton na lang niya ang resulta sa imbestigasyon sa Ombudsman.
Movie sites i-regulate
Nagplano karon ang bag-ong chairperson sa Movie and Television Review and Classification Board (MTRCB) nga si Rachel Arenas nga i- regulateang online sites kung diin ma-access ang mga pelikula.
Suma pa ni Arenas nga nabantayan niya nga karong panahona, sayon na lang kaayo ang pag-access sa mga pelikula tungod sa nagkadaiyang “internet apps”.
Mopadangat og proposal si Arenas kalabot sa pagmugna og mga lagda sa pagtan-aw og mga pelikula gamit ang internet application.
Gidasig sa MTRCB ang publiko nga motan-aw og mga pelikula sa sinehan. (BANAT NEWS)
- Latest
