ABS ug GMA nagpabonggahay!
Jaypee Lao (Banat) - November 9, 2016 - 12:00am

CEBU, Philippines - Ang estorya sa kalisud, pagpaningkamot ug kalampusan sa mga ordinaryong Pilipino maoy sentro sa 2016 ABS-CBN Christmas Station ID nga una nang milugwa niadtong Lunes sa gabii

Nagtangag kini sa awit nga “Isang  Pamilya Tayo Ngayong Pasko” nga gikanta nila ni Sarah Geronimo, Bamboo Mañalac, Lea Salonga, ug Sharon Cuneta.

Ang maong star-studded music video gilangkoban sa Kapamilya artists ug news personalities sa maong network. Nilugwa usab si Hidilyn Diaz, ang 2016 silver medallist.

Samtang wala  usab nagpalupig ang GMA-7  sa ilang  “Maniwala sa Magic ng Pasko” nga maoy  3D animated Christmas Campaign sa GMA-7.

Mao kini ang giisip nga labing unang 3D animated Christmas campaign sa Philippine TV history

Ang maong music video nagsaysay sa tulo ka magical stories dungan sa pagpadangat nila sa inspirasyon ug sa pagtuo sa  “magic touch” nga dala sa Pasko. Si Julie Anne San Jose maoy miawit sa Kapuso Christmas Campaign.

Argaonon ang Bagong Kampyon

Ang award-winning Cebu Popular Music Festival composer ug lumad nga taga Argao, Cebu nga si Jade Castro maoy gideklara nga “Bagong Kampyon” sa Tawag ng Tanghalan sa It’s Showtime kagahapon sa hapon.

Gipildi ni Castro ang pambato sa Mindanao ug “Dating Kampyon” nga si Sotelo Abarguez sa score nga 94%. Si Abarquez nitala lang og 92.4%.

Si Castro maoy composer sa awit nga “Ayaw Ako’g Biyai” nga maoy nidaog sa Ballad Category sa 2014 Cebu Pop. Ang labing unang Sinulog Idol Grand Champion Jacquelyn Chang nga karon kansang kanta nga “Atik Ra” sikat na kaayo, maoy naghatag og kinabuhi sa nahisgutang komposisyon ni Castro.

Aksyon og kabalaka?

Atol sa usa ka press conference sa broadway star nga si Leah Salonga nunot sa iyang umaabot nga musical play nga “Fun Home”,  naapil gyud sa mga pangutana ang  mahitungod sa nag trending nga twitter post sa singer nga nagkanayon, “NO MATTER HOW GOOD YOU ARE, YOU CAN ALWAYS BE REPLACED.”

Gani diretso siyang gipangutana kun mahadlok ba siyang malaos sa umaabot nga mga adlaw.

 “Well, if people don’t wanna see me on TV  or buy my tickets to concerts, well then, okay, then I can teach; then I can still continue coaching, maybe write more or what,” suma pa ni Leah.

Gani matud niya nga sa iyang pangedaron nga  45, mapasalamaton siya nga padayon gihapon siyang gisuportaran sa iyang  mga fans nga iyang  nalingaw pinaagi  sa iyang mga kanta. Ang showbiz ug theatre career ni Leah padayun gihapong nagsidlak sulod na sa kapin tulo ka dekada.

Pia nakapaghot og ahat

Giklaro ni  Miss Universe Pia Wurtzbach ngadto sa publiko  nga wala niya hikalimti ang iyang adbokasiya mahitungod sa HIV/AIDS awareness.

Gani mao kini ang sentro sa iyang instagram post sa miaging adlaw  diin gisaysay niya nga duna gyu’y  mga tawong kanunay  mo- bash kaniya  sa pagtuo nga wala siya’y  mga kalihukang gihimo kalabot  sa iyang  adbokasiya.

 “I’m so tired of people complaining that I haven’t found ‘the cure’ for HIV when clearly I said I would raise awareness,” suma pa sa  beauty queen .

  Pipila na ka mga nasud ang nabisita ni  Pia aron isabwag ang iyang adbokasiya sa HIV/AIDS awareness. (BANAT NEWS)

ABS UG GMA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with