Aduna’y leksyon nga nagtangag

CEBU, Philippines - Giklaro sa  mga tigdumala sa seryeng  Till I Met You nga intensyon nila nga mopakita  og kontrobersiyal nga eksena sanglit nagtangag kini og igong leksyon ug usa  na niini  nga mapakita ang sangpotanan ngadto sa mga kabataan ang yano nga pagpadayag sa ilang gibati.  Ang love scenes nga  episode niadtong Oktubre 25 maoy nakahatag og atensyon ngadto sa tawo nga dali usab nga nireklamo ngadto sa tigdumala sa MTRCB (Movie and Television Review and Classification Board). Gipadayag  usab sa  executive producer sa maong show nga si  Arnel Nacario nga nagpadala  na sila og suwat nga nagpahibawo ngadto sa MTRCB nga SPG (Strong Parental Guidance) ang angay nga klasipikasyon sa maong episode gumikan kay motuki na kini og sensitibong butang nga nihaom sa dagan sa istorya.

“The intent of the episode was to show certain sensitive scenes to make viewers aware not only of the consequences of young and reckless love but also how impulsive acts  of this kind of love occur in real life. There are lessons to be learned where decisions are made to impulse. We hope that the program will be appreciated in its’ entirety and some scenes not taken out of context”, matud pa ni Nacario.

Gitataw usab sa MTRCB Chairman Toto Villareal nga gusto niya  nga patas ang pagdungog sa mga reklamo nga wala mauyuni sa mga tawo.

“We are always fair… sama-sama tayo kung paano pa maunlad ang ating industriya. Mas kakabahan nga ako sa isang sitwasyon kung walang magsasalita,” matud pa niya.