International singers gilupig ni Jennylyn
Sanden J. Anadia (Banat) - September 14, 2016 - 12:00am

CEBU, Philippines - Gipalukapa sa Ultimate Star nga si Jennylyn Mercado ang pipila ka  international  singers human nahimong  no.1 sa iTunes ang iyang   Ultimate album ubos sa  Ivory Records.

Gi-release na ang digital format niini sa miaging adlaw ug gipistahan dayon kini sa music lovers.

Mi-post ang aktres og  screenshot sa  top albums sa iTunes diin makita  nga  naa siya sa  no. 1 slot ug nagsunod kaniya ang  American singer nga si Charlie Puth.

Todo pasalamat si Jen sa mga  nag-download sa iyang album sa maong digital store.

Nagsunod pud sa listahan ang mga album nila ni Taylor Swift, Adelle, One Direction, Maroon 5 ug uban pa nga sikat nga singers.

Duna’y pito ka  kanta ang bag-ong album  ni Jen ug nalakip na niini ang  Hagdan  ug ang kolaborasyon nila sa Asian Romantic Balladeer  nga si Christian Bautista ug ang grupong  Silent Sanctuary.

New look ni Cristine

Human sa hit afternoon series “Tubig at Langis”,   nakahukom si Cristine Reyes nga mag- new look partikular na ang pagpa-blond sa iyang buhok.

Gi-post niya ang  hulagway sa bag-o niya nga hitsura sa Instagram ug gikonsiderar nga parte sa “challenge” ang pagpausab sa  kolor sa iyang buhok  ug giunungan siya sa uban niya nga mga higala.

“We finally did it we have gone blonde! You know what they say, blondes have more fun! We are ready for the next challenge, any ideas? We are open for suggestions,” suma pa ni Cristine.

Gipahibalo usab ni Cristine nga ilusad niya puhon ang iyang  video blog sa YouTube kung diin makita sa iyang followers ang ubang butang nga gikalingawan.   

Most Influential Film Actress of the Year

Natuboy isip  Most Influential Film Actress of the Year ang komedyanteng  aktres nga si  AiAi Delas Alas sa  bag-ohay  lang nga 6th EdukCircle Awards nga naghatag og rekognasyon  sa mga maayong natampo sa personalidad sa news ug  entertainment.

Gihalad usab  ni   AiAi ang maong pasidungog  sa mga kaubanan niya kaniadto sa pelikulang  “My Bebe Love”  nga sila si  Bossing Vic Sotto,  Maine Mendoza , Alden Richards, ug  Direk Joey Reyes.

 “Naluluha ako kasi sa edad kong 18, nakakakuha pa ako ng award galing sa mga kabataan.Promise ko that I will continue to be a good actress and commedienne to make them happy and still learn and improve more my craft para lalo ko pang mapasaya hindi lamang mga kabataan kundi ang buong Pilipinas,” matud pa ni Ai Ai.

Liza duna’y international project

Isal-ang matud pa og international project ang Kapamilya star nga si Liza Soberano ug posibleng mahitabo kini sunod buwan.

Gikatahong todo paningkamot ang ABS-CBN nga mailhan og samot ang ilang mga artista sa laing nasud.

Kasamtangang nibakasyon si Liza sa New York ug nakig-bonding kini og taman sa iyang pamilya ug uban pa niya nga kaliwat sa maong dapit.

Nasayran nga nisamot og kakisaw ang pangalan ni Liza gumikan sa serye nila ni Enrique Gil nga Dolce Amore nga gisalida usab karon sa ubang nasud.  (Sanden J. Anadia)

Fifty Shades Darker gikahinaman

Gipistahan dayon  kagahapon ang paglugwa sa pasiuna nga poster  sa pelikulang “Fifty Shades Darker”    ug ang  trailer niini ipagawas karong adlawa.

“Slip into something a shade darker,” mao kini ang linya sa unang poster sa maong pelikula nga ubos sa  Universal Pictures.

Karong February  8,  2017  ipasalida dinhi  sa Pilipinas ang maong pelikula  apan karon pa lang daan,  gikahinaman na kini og maayo sa  mga Pinoy.

Nagpanikad ang netizens sa karakter nila ni Jamie Dornan ug  Dakota Johnson isip Christian Grey ug  Anastasia Steele.(BANAT NEWS)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with