Anne, Dennis ug Paolo mag-uban sa pelikula

CEBU, Philippines - Mag-uban sa usa ka comedy film   sila si Anne Curtis, Dennis Trillo ug Paolo Ballesteros ug gihimo na ang story conference niini niadtong Martes sa hapon.

Ang  maong pelikula sa Viva Films  nag-ulohan og “Bakit Lahat ng Guwapo May Boyfriend?” ug ubos kini sa direksyon ni Jun Lana.

“Excited to work with these two cuties. I have a feeling this will be a happy set!,” suma pa sa caption sa   hulagway  ni Anne sa Instagram kung diin tupad niya sila si Dennis ug Paolo. 

Makonsiderar kini nga  subling paglugwa ni Paolo atubangan sa kamera human kini  gipapahuway sa  noontime show nga Eat Bulaga.

Pinoy indie film nakadaog sa NY

Nagmadaugon  ang Pinoy  indie film nga "Maratabat" o Pride and Honor sa bag-ohay lang nga The People’s Film Festival  didto sa New York.

Mao kini ang napili nga  Best International Film for Full Length Feature sa maong film festival nga gipahigayon sa  Julia de Burgos Performing Arts Center sa New York City sa miaging adlaw.

Ang journalist nga si  Arlyn Dela Cruz maoy nagama sa maong indie film.

Suma pa ni Arlyn nga nakahilak gyud siya sa dihang nasayran niya nga nakadaog ang iyang gihimo nga indie film.

Nalakip sa Maratabat mao sila si  Peng Medina, Elizabeth Oropesa,  ug Julio Diaz. (BANAT NEWS)