Angelica wala mopatim-aw
Sanden J. Anadia (Banat) - February 5, 2016 - 9:00am

CEBU, Philippines - Tagsa-tagsa nga  gi-introduce sa miaging gabii  ang big stars sa seryeng “Pangako Sa ‘Yo”  samtang nagpaso  sa red carpet atol sa  press conference alang sa pagsugat sa  finale  sa maong serye sunod semana.

Usa lang ang wala katambong sa maong kalihukan. Kini mao ang nidala sa karakter ni Claudia nga si Angelica Panganiban

Ang direktor sa PSY nga si Dado Lumibao nipadayag nga absent si Angelica gumikan kay duna kini taping sa Banana Sundae.

Bisan pa man sa maong rason, aduna’y mga pagduda nga dili lang gusto ang aktres nga ma-sentro ang atensyon kaniya ilabi na kabahin sa mga pangutana kalabot sa giingong breakup nila ni John Lloyd Cruz.

Eugene ug Jose nagkasungi

Giingong nagdedmahay sila si Eugene Domingo ug Jose Manalo sa dihang nagkaabot sa usa ka event sa showbiz. Nag-uban ang duha kaniadto sa programang Celebrity Bluff apan nagdumili sila paghatag og komento kalabot sa ilang giawayan.

Doble ang proyekto

Naghudyaka si Andrew E gumikan kay niaktibo na pud siya og balik sa showbiz. Gawas sa iyang pagkahurado sa Born To Be A Star sa TV5, malakip usab siya sa upcoming series sa ABS-CBN nga Dolce Amore .

Limitado ang oras

Pinangga matud pa si Nora Aunor sa GMA- gumikan kay duna gyu’y kamandoan nga kutob ra gyud  kini sa alas 11 sa gabii  ang taping niya sa seryeng Little Nanay.  Dili mahimong mahago ang superstar gumikan kay maglain dayon ang lawas niini kung magbinuntagay sa taping.

Wala’y label

Kontento na si Enrique Gil sa istado nila karon ni Liza Soberano bisan pa man nga wala kini label. “We’re in a place na we’re so happy. I’m happy... Label doesn’t really mean anything as long as you guys are happy,” suma pa sa aktor.

Direktor mipanaw

Nagbangotan ang mga artista ug production staff sa Bubble Gang gumikan sa pagpanaw sa ilang direktor nga si  Uro dela Cruz niadtong Huwebes.  Gihambin sa direktor ang sakit sa liver ug giingong gisekreto lang kini kaniadto.

Sidekick ni Eugene

Ang stage actress nga si Divine Grace Aucina maoy sidekick ni Eugene Domingo sa programang Dear Uge. Kanunay mogawas si Divine isip extra sa pipila ka mga programa sa GMA.

Rufa Mae ug Trevor engaged na

Engaged na sila si Rufa Mae Quinto ug sa iyang non-showbiz boyfriend Trevor Magallanes. Nahitabo ang  engagement dinner party didto sa  California ug ang ilang suod nga mga higala maoy nag-organize niini. Sabotan pa sa duha ang tataw nga petsa sa ilang kasal.

Gumikan sa PBB

Malipayong gipahibalo sa kanhi Pinoy Big Brother 737" housemate nga si Ylona Garcia nga duna siya’y upcoming album sa Star Music. Suma pa ni Ylona nga ang PBB maoy nahimong instrumento nga nahibaw-an sa kadaghanan ang talento niya sa pagkanta.

Batasan giintriga

Gibutyag ni Xian Lim nga dili siya lisod ikatrabaho sukwahi sa mga tsismis nga matud pa duna siya’y attitude problem. Tsika pa sa aktor nga karaan na kaayo ang maong intriga busa wala siya nagpaapekto niini.

Gwen bida sa short film

Aduna’y gibuhat nga short film si Gwen Zamora nga ubos sa direksyon ni Quark Henares. Ang maong proyekto nag-ulohan og “How to find love” ug iyang makauban sila si Gee Canlas, Alex Medina, ug laing direktor nga si  Earl Ignacio. (Sanden J. Anadia)

 Coleen nalandig sa tambalanan

Gibutyag ni Coleen Garcia pinaagi sa Instagram nga nalandig siya sa tambalanan niadtong Huwebes sa gabii apan nagdumili pagtug-an sa rason niini.

Dali nga nakabisita kaniya ang iyang boyfriend nga si Billy Crawford human nasayod sa kahimtang sa iyang girlfriend.

Gi-post ni Coleen sa Instagram ang hulagway sa iyang kamot nga duna’y hospital tag.

Nasayran nga busy karon si Coleen sa naghinapos na niya nga seryeng Pasion de Amor, ug nalakip usab siya sa movie project kung diin makauban niya sila si Piolo Pascual ug Dawn Zulueta.   

Justin nahimuot ni Balang

Nanghugyaw na pud og balik sa social media ang batang online sensation nga si John Philip Bughaw  nga nailhan sa kadaghanan isip Balang pinaagi sa iyang labing bag-o nga dance cover.

Gisayawan na pud ni Balang ang sikat nga awit ni Justin Bieber nga “Sorry”.

Sa miaging adlaw dali nga naka-tweet si Justin og  “Kills it”, human siya nahugyaw pagkakita niya sa video sa dance cover ni Balang ug nahimuot siya pag-ayo niini.

Sa pagsuwat niining balitaa, ang maong video nakaangkon na og 4,342,719 views ug 198,347 shares sa Facebook.

Pipila na pud ka international entertainment websites ang nibalita kalabot sa dance cover ni Balang,  sama sa Elle.com,  Today.com,  Huffingtonpost.com, Refinery29.com,  MTV.com,  Buzzfeed.com, Dailymail Online, ug uban pa.

Kahinumduman nga nisikat kaniadto si Balang human siya nihimo og dance cover sa awit nila ni Jessie J, Ariana Grande ug  Nicki Minaj nga  ‘Bang Bang’ .

Nahimong produkto si Balang sa noontime show sa ABS-CBN nga  It’s Showtime partikular na sa segment nga   ’Mini Me’ .

Nakalugwa na usab siya kaniadto sa  American program nga The Ellen Degeneres Show kung diin nahugyaw ang audience sa iyang pagkiay-kiay.

Isabelle ug Adrien engaged na!

Engaged na ang  Kapamilya actress  nga si Isabelle Daza ngadto sa iyang  French businessman Adrien Semblat kinsa nauyab niya sulod na sa unom ka tuig.

Sa  Facebook status ni Isabelle kagahapon , ni-post kini og : “I said yes.”

Samtang sa iyang  Instagram post, gi-post usab sa aktres ang iyang hulagway uban ni Adrien samtang nanuroy sila sa  Amanjena resort sa  Marrakech, Morroco.

Sa mga nangagi nga interview, gipadayag ni Isabelle nga dili lalim ang naagian ni Adrien sa dihang nanguyab pa kini kaniya gumikan kay kapito niya kini gibasted.

Ang iyang mga higala maoy nagpaila-ila kang Adrien kaniya apan dili pa siya andam niadtong higayona gumikan kay nagpaalim pa siya sa breakup nila sa kanhi niya boyfriend.

Hangtud nga wala gyud mo-surrender si Adrien ug na-develop gyud siya niini gumikan kay nagpakita kini og maayong tinguha kaniya.  (Sanden J. Anadia)

Power Trio sa PGT

Posibleng molugwa karon o ugma sa gabii sa Pilipinas Got Talent ang Sugbuanong  mang-aawit nga Power Trio  nga gilangkoban nila ni  Masumay “Sam “Booc, Stephanie “Steph” Mananquil ug May Ann “May” Mananquil.

Ang maong grupo gidumala  ni Aida Patana sa M-Talent Events and Promotions.  Nakaabot na sa nagkadaiyang  dapit  sa nasud ang maong grupo ug nahimong front act sa pipila ka  events.

 

 

ACIRC ADRIEN ANG BALANG GUMIKAN IYANG KINI NBSP NGA SIYA STRONG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with