Wala’y lipod-lipod kauban ni Carlo
Ryan Mark (Banat) - October 9, 2013 - 12:00am

CEBU, Philippines - Gawas sa gagmay nga eye bags, nindot na kaayo’ng tan-awon ang award-winning actor nga si Carlo Aquino sa iyang subling pagtekang dinhi sa Sugbo niadtong Sabado isip celebrity guest sa opening salvo sa usa ka buwan nga selebrasyon sa anibersaryo sa Gaisano Country Mall. Niadtong Mayo, gidapit usab siya sa Gaisano Inc., aron mag-show didto sa Gaisano Bogo. Niadtong tungora, gitrangkaso siya pag-abot niya dinhi sa Sugbo gumikan kay gikan matud pa siya sa taping sa “Dugong Buhay” diin may special participation siya ug ang ilang eksena mao nga gikulata siya ug gilumsan sa dagat. Apan niadtong Sabado, hayag na siya og dagway. Naggumikan matud pa kini kay nag-gym na siya, nagbasketball, jogging  ug boxing.

 

Nindot kaayo ang mood ni Carlo niadtong tungora, diin wala’y pangutana nga wala niya tubaga. Nahimuot pa siya dihang napangutana kabahin sa relasyon nila ni Angelica Panganiban nga milungtad og lima ka tuig kaniadto. Kini human niya gitug-an nga aduna na sila’y pagahimuon nga movie ni Angelica nga entry sa Cinema One Originals sunod buwan. Giulohan og “China Doll” ug ubos sa direksyon ni Adolf Alix Jr., si Angelica matud pa maoy bida niini isip China Doll nga usa ka assassin ug mahimong asset sa National Bureau of Investigation.

Si Angelica matud pa ang labing dugay niya nga na uyab. Katorse anyos siya ug 13 si Angelica niadtong tungora. Disi nuwebe siya dihang nagbuwag sila. Suma pa ni Carlo, kun karong mga panahona nga 28-anyos na siya sila nagkarelasyon ni Angelica, hayan nagminyo na silang duruha.

“Siguro kung ngayon nangyari yun, siguro hindi na namin pakakawalan. Sobrang bata namin nun eh,” nagkanayon si Carlo.

Apan wala siya’y pagmahay niya pa, sanglit dili gayud sila para sa usa’g-usa. Giklaro niya nga wala na gyud sila’y isyu ni Angelica, magkataw-anay na lamang matud pa sila. Wala na matud pay kiwaw sanglit dugay na matud pa kaayo kadto nga nahitabo. Okay ra pud matud pa sila ni John Lloyd Cruz, ang uyab karon ni Angelica. Gani, sa dressing room siya sa duruha mi-istambay niadtong Star Magic Ball 2013 dili pa lamang dugay.

Si Camille Prats matud pa ang labing una niyang uyab. Dose anyos siya niadtong tungora ug maguwang kaniya si Camille og pipila ka bulan. Milungtad sila og siyam ka bulan. Pero gihulagway niya nga susama ra matud pa og “MU” (mutual understanding) ang ilang relasyon, sanglit mga bata pa sila kaayo. “Kilig-kilig lang,” pagklaro niya sa ilang relasyon kaniadto nila ni Camille nga iyang crush sa una pa.

Nanguyab pud matud pa siya kang Maja Salvador apan wala siya sugta. Nahisgutan pud niya ang ngalan ni Dimples Romana apan wala kaayo siya nidetalye. Sa kinatibuk-an, muabot matud pa og 10 ang iyang mga nauyab, pito niini taga showbiz. Pagkakaron malipayon na siya sa iyang karelasyon nga non-showbiz girl, diin tulo na sila ka tuig nga managhigugmaay.

Apan niya pa, magtigom usa sila aron dili sila magkalisod sa higayon nga magminyo na sila. Adunay negosyo “food truck” ug “tarpaulin” si Carlo ug ang iyang hinigugma. Gawas pa, 24-anyos pa usab ang iyang hinigugma.

“Hindi ka naman pumapasok sa iyang relasyon kung hindi ka sigurado di ba? Ano yun, saying oras lang?” nagkanayon siya kabahin sa posibilidad nga magminyo silang duruha sa tukmang panahon.

 

Showbiz Career

Mapupos na ang usa ka tuig nga kontrata ni Carlo sa Star Magic sunod bulan, apan wala siya’y angayang kabalak-an sanglit niadtong Marso, gipapirma na man siya og duha ka tuig nga “network contract.” Ubos sa maong kontrata, garantisado siya nga adunay usa ka TV project kada tuig. Pagkakaron, sa primetime teleserye, “Annaliza” lamang usa niya ibubo ang iyang atensyon sanglit extended  ang nahisgutang soap hangtud February 2014.

Sa pelikula, gawas sa China Doll, posibli matud pa nga aduna siya’y himuong pelikula sa direksyon gihapon ni Alex diin makauban niya si Superstar Nora Aunor. Vilmanian si Carlo, gani nagkauban na sila ni Star for All Seasons Vilma Santos sa pelikulang “Bata Bata Paano Ka Ginawa?” niadtong 1999, diin midaog siya isip Best Child Actor ug Best Supporting Actor sa FAMAS  ug Child Performer of the Year sa PMPC Star Awards for Movies. Pero gibutyag niya nga na-starstruck siya dihang nahimamat niya si Ate Guy atol sa Young Critics Circle awards’ night sa milabay nga bulan.

“ Eh ang galling nun umarte, hindi OA, mata lang talaga ang ginagamit nya. Nakaka intimidate talaga, kahit sobrang bait nya. At ang dami niyang fans ha, dami nagpapa-picture sa kanya,” saysay niya sa unang higayon nga nahimamat niya si La Aunor.

Gipaila-ila matud pa siya ni Alix ngadto kang Ate Guy pinaagi sa pagpangutana niini kun mahimo ba nga magpapicture. “Hi-hug niya ako, nangininig ako. Ang lamig-lamig ng kamay ko. Hindi ko nga alam kung gagawin ko kapag ka-eksena ko na siya,” niya pa.

Gawas niini, nakahuman na siya og duha ka pelikula ubos gihapon sa direksyon ni Alix. Kini mao ang Porno ug Death March, diin sa mga international film festivals na itigi. Tinguha pud niya nga maka-submit og mga kanta sa Ivory Records, aron malusad na iyang gidamgo nga album, diin siya ra pud ang misuwat ug musuwat sa mga kanta niini.

 

Wala’y kita-kita

Kapin na sa duha ka buwan nga wala magkakita ang mag-uyab nga sila si Bea Alonzo ug Zanjoe Marudo gumikan sa ilang ka-busy. Gitataw hinuon sa duha nga ilang gipatigbabaw ang pagsalig nila sa usag-usa busa wala matumpag ang ilang relasyon.

 

Billy gisaway

Gitataw ni Billy Crawford nga dunay mga hukom nga kalit-kalit lang nga mahuna-hunaan busa nangayo siya og  pagsabot sa mga tawo nga magsige og saway kaniya gumikan sa iyang gipadayag niadto nga temporaryong mobiya sa showbiz dinhi sa Pilipinas human sa breakup nila ni Nikki Gil, apan nibalik ra diay kini sa nasud.

 

Enrique gikulbaan sa kissing scene

Wala damha ni Enrique Gil nga duna sila’y kissing scene ni  Bea Alonzo sa pelikulang  “She’s The One.”  Matud pa niya nga gikulbaan siya og maayo sa dihang gibuhat ang maong eksena. Suma pa sa aktor nga wala sa orihinal nga plano ang nahisgutan nga eksena, apan duna’y kalit-kalit nga kausaban aron pagpanindot sa pelikula.

 

Annulment

Giangkon ni Sunshine Cruz nga nagplano siya nga mo-file og annulment sa kasal nila ni Cesar Montano. Mikomedya ang aktres nga labing maayo nga si Cesar ang mo-file aron dili siya makagasto og maayo.

 

Jodi okay na

Malipayong gipahibalo ni Jodi Sta. Maria nga nakagawas na siya sa tambalanan human siya natakboyan og dengue fever . Nakabalik na ang aktres sa seryeng “Be Careful With My Heart”. (Sanden J. Anadia)

 

Album ni Richard gipistahan

Nagmaya pag-ayo ang Star Records gumikan kay bisan bag-o pa lang nila gi-release ang self-titled album ni Richard Yap, nagpusot-pusot dayon ang namalit niini.  Ang seryeng Be Careful With My Heart maoy rason nga mi-click dayon ang album ni Richard diin naila kaayo siya isip Sir Chef sa maong serye.

 

Geneva mabdos

Gianunsyo ni Geneva Cruz pinaagi sa iyang Facebook account nga nagsabak siya: “I am happy to announce that I‘m newly pregnant, but unfortunately, sick as a dog. I will stay strong for the little one. Pray for me and my baby, please,” suma pa sa singer.

 

Alice isip Matrona

Tsika pa ni Alice Dixson nga hugyaw kaayo ang role niya sa seryeng Love or Money sa TV5 gumikan kay sa labing una nga higayon, modala siya sa papel nga matrona.

 

Ciarra mibalik sa pag-arte

Aminado si Ciarra Sotto nga todo ang iyang pag-adjust sa subli niya nga pag-arte. Nalakip si Ciara sa programang Madam Chairman ni Sharon Cuneta sa TV5.  Nasayran nga pipila ka tuig nga nipahuway ang aktres sa pag-arte. 

 

Amy segurado na sa Dos

Naghinam-hinam na matud pa si Amy Perez sa pagbalik niya sa ABS-CBN. Giingong weekly show ang nagpaabot ni Amy sa Kapamilya Network.

 

Motungha sa  Amerika

Gumikan sa kadaugan sa anak ni Benjie Paras nga si Kobe sa FIBA 3x3 U-18 World Championships, adunay basketball academy nga nitanyag og scholarship ngadto sa bagets. Misugot si Benjie sa maong tanyag gumikan kay usa kini ka maayong oportunidad alang sa iyang anak.

 

Nagkasinabot na

Tsika pa ni Sunsine Cruz nga nagkasinabot na sila ni Cesar Montano kalabot sa ihatag nga sustento niini nga naglangkob sa P55,000 nga binuwan nga abang sa balay, tuition sa ilang mga anak, ug sweldo sa driver sa mga bata. (Sanden J. Anadia)

 

Sexiest Woman Alive 2013

Si Scarlett Johansson ang gideklara sa Esquire,isip sexiest woman alive sa ikaduhang higayon.

Ang bida sa “Avengers” unang gihatagan sa maong titulo sa nahisgutang magazine pito na ka tuig ang milabay o niadtong 2006. Ang mga mananaog sa maong titulo, pilion sa Esquire editors matag tuig.

Nasayran nga labihan ka busy karon ni Scarlett sanglit aduna siya’y duha ka pelikula, ang “Don Jon” ug “Under the Skin.” Iyaha pud nga tingog ang gigamit sa ‘Her.”

Si Scarlett kinsa misikat sa pelikulang “Ghost World” adtong 2001, mipasabot nga kinahanglan matud pa niyang maningkamot sanglit dili na matud pa siya batan-on, muabot ang panahon nga wala nay proyekto nga ihatag ngadto kaniya.

“I’m a 28-year-old woman in the movie business, right? Pretty soon the roles you’re offered all become mothers. Then they just sort of stop,” nagkanayon siya.

Ang cover ni Scarlett isip sexiest woman mulugwa sa November issue sa maong magazine. Sa milabay nga tuig, si Mila Kunis maoy gihatagan niining maong titulo. Nakahupot na usab niining maong titulo sila si Rihanna, Kate Beckinsale  ug  Charlize Theron.

 

Winner ang GMA-7 sa Metro Manila, daog ang TV5 sa General Santos City, apan sa kinatibuk-an, ABS-CBN gihapon maoy hawod sa tibuok Pilipinas.

Kini kun ang basehan mao ang MCTAM Rating sa AGB Nielsen Philippines nga napatik sa ilang Facebook account adtong milabay nga Lunes.

Ang MCTAM naglangkob sa Metro Manila, Metro Cebu, Iloilo/Bacolod ug Metro Davao, ingon man piniling key areas sama sa Baguio City, Legaspi, Cagayan de Oro City ug General Santos.

Ang September survey result sa AGB mao kini:

 

 

CHINA DOLL MATUD NIYA SILA SIYA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with