Donaire world champion na sab
CEBU, Philippines — Ang Pinoyng boksidor nga si Nonito Donaire Jr. naghari na sab isip world champion.
Sa iyang pagbalik sa ring sa unang higayon sukad niadtong 2023, ang 42-anyos nga si Donaire misakmit sa World Boxing Association (WBA) interim bantamweight title human midaog pinaagi sa technical decision batok ni Andres Campos sa Chile kagahapong adlawa didto sa Casino Buenos Aires sa Argentina.
Giundang ang away sa ikasiyam nga hugna human si Donaire mipadayag nga dili na sila makapadayon tungod sa gisi sa tuo niyang mata nga iyang nahiaguman gikan sa aksidenteng head butt.
Gumikan niini, gidetermina ang mananaog pinaagi sa scorecards.
Ang tulo ka mga judges mi-iskor og 88-83, 87-84 ug 87-84 tanan pabor ni Donaire.
Karon, si Donaire nagkupot na og 43-8 rekord uban ang 28 knockouts.
Miduyog siya nilang Melvin Jerusalem ug Pedro Taduran isip mga aktibong world champions sa Pilipinas.
Sa laing bahin, ang 28-anyos nga si Campos natagak sa 17-3-1 uban ang 6KOs.
- Latest
