^

Banat Palaro

Thunder miresbak sa Pacers

Emmanuel B. Villaruel - Banat
Thunder miresbak sa Pacers

CEBU, Philippines — Si Shai Gilgeous-Alexander mipabuto og 34 puntos sa dihang ang Oklahoma City Thunder nakapanimalos dayon sa Indiana Pacers, 123-107, aron tablahon ang ilang best-of-seven NBA Finals sa baraha nga 1-1 kagahapong adlawa didto sa Paycom Center sa OKC.

Ang season MVP gikan sa Canada duna say lima ka rebounds, walo ka assists ug upat ka steals sa Thunder, nga impresibong namawi gikan sa makabuak sa dughan nilang 110-109 nga kaparotan atol sa pasiunang duwa sa serye niadtong Biyernes.

Midugang si Jalen Williams og 19 puntos samtang si Chet Holmgren mihipos og 15 puntos ug unom ka rebounds alang sa Thunder, nga wala na molingi pa sukad sila mirehistro og 93-74 nga labaw padung sa pinal nga 12 minutos.

Ang mga bench players nga sila si Alex Caruso ug Aaron Wiggins dako sab og naambag sa Thunder human sila nagkumboya'g 38 puntos.

Samtang ang bayani sa Pacers sa Game 1 nga si Tyrese Haliburton nalimitahan ngadto sa 17 puntos uban ang tulo ka rebounds ug unom ka assists.

Si Haliburton mitali lamang og singko puntos sa nag-unang tulo ka kuwarter. Bisan pa sa iyang 12 puntos sa katapusang kuwarter, wala na makagawas pa ang Pacers sa lawom nga kawot nga ilang nahimutangan.

Sila si Myles Turner ug Pascal Siakam nagkumbinar og 31 puntos alang sa Pacers, nga mao nay mo-host sa Game 3 karong Huybes, Hunyo 12.

NBA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with