Nuggets, Thunder Magtiwas
CEBU, Philippines — Sa inyong pagbasa ning taho, lagmit aduna nay kontra ang Minnesota Timbwolvers sa NBA Western Conference finals. Kini tungod kay ang Denver Nuggets ug ang Oklahoma City Thunder magtiwas sa tinagakay nga Game 7 sa ilang West semifinals series sa alas 3:30 sa buntag karong adlawa (Lunes, May 19) didto sa Paycom Center sa OKC.
Nagtabla karon ang duha ka managaribal sa baraha nga 3-3 sa bugtong serye nga miabot og Game7 ning NBA playoffs. Si Nikola Jokic ang mangu sa Nuggets, samtang si Shai Gilgeous-Alexander ang nag-unang pambato sa Thunder. Ang duha ka superstars mainit sab nga nag-ilog sa pasidungog isip MVP ning season.
Ang modaog sa ilang sangka mosakbang sunod batok sa Wolves sa best-of-seven West finals nga mosikad karong Miyerkules, Mayo 21.
Sa Eastern Conference, mag-abot sa kampiyonato ang Indiana Pacers ug ang New York Knicks. Magsugod ang ilang serye karong Huybes, Mayo 22, didto sa Madison Square Garden sa New York City.
- Latest
