CCSC mopahigayon og Para Sports training seminar

CEBU, Philippines — Bag-ohay pang nahuman sa malampuson nilang sports summit, ang Cebu City Sports Commission (CCSC) nangandam na sab dayon karon sa laing dako nga kalihukan - ang Visayas leg sa 'Training the Trainers:Leading the way for Para Sports' seminar ug workshop.

Aron ipinalisar ang tanan, si CCSC Chairman Dr. Rhoel Dejaño mitambong sa coordination meeting uban ni Goody Custodio, ang Secretary-General of Philippine Paralympic Committee-Philippine Sports Association for the Differently Abled (PPC-PHILSPADA) agi'g preparasyon alang sa tulo ka adlaw nga aktibidad nga gikatakda karong Hunyo 5-7 diha sa Cebu City Sports Center.

"The event aims to gather medical personnel, coaches, trainers, and other stakeholders from across the Visayas region who will be trained on the basics of classifying athletes with disabilities. Classification for physical, visual, and intellectual disabilities will be conducted during the training," matud pa ni Dejaño.

Ang tinamod nga sports medicine doctor mipasabot nga ang klasipikasyon sa para sports krusyal kaayo tungod kay nagseguro kini sa usa ka patas nga kompetisyon. Grupohon niini ang mga atleta basi sa ilang kapasidad sa usa ka sport  ug dili lamang mag-agad sa medikal nilang kondisyon.

"This system levels the playing field, allowing athletes to compete against others with similar functional abilities and highlighting athletic skill rather than the degree of disability," padayon pa sa 2024 Cebu Sportsman of the Year awardee.

Ang mahinungdanong panagtapok maglangkob og demonstrasyon sa pinili nga para sports sama sa wheelchair basketball, sitting volleyball, table tennis, swimming, athletics ug Boccia.

Magsilbe sab kining tryout alang sa potensiyal nga mga atleta nga lagmit ikonsidera aton maapil sa national training pool.