SRBC kampiyon sa San Remigio Basketball Summer League 2025
Cebu, Philippines — Ang San Remigio Beach Club (SRBC) maoy gikoronahang kampiyon sa bag-ohay pang natapos nga San Remigio Basketball Summer League 2025 didto sa Casals Village Gym sa Barangay Mabolo, dakbayan sa Sugbo.
Gipayaka sa SRBC ang Ynoc Prime Land Corporation, 84-77, sa ilang knockout final match aron sakmiton ang gihandum nilang titulo.
Si Emman Villamor ang miangkon sa Finals Most Valuable Player award samtang ang teammate niyang si Emman Calo gipasidunggan nga tournament MVP.
Gipangulohan sa playing team manager nilang si Mark Anthony Ynoc ug coach Randy de la Pisa, ang ubang mga sakop sa SRBC champion team naglangkob nilang Harold Cincoflores, Janjan Auditor, Ehman Suarez, Emman Villamor, Jeroel Pedroza, Jordan Alano, Rendell Senining, Yomaso Makino, John Mpouma, Carlo Ortega ug Nelson Peralta.
Sa laing bahinm, ang All-Star selection sa torneyo moduwa og usa ka exhibition game batok sa MCIAA karong Mayo 23 didto sa Tolotolo gym sa Consolacion, Cebu.
- Latest
