PBA All-Star lagmit makansela
CEBU, Philippines — Ang PBA dili mopahigayon sa tinuig niining All-Star nga pasundayag sunod bulan didto sa Davao.
Si commissioner Willie Marcial nagkanayon nga ang isyu sa seguridad maoy nag-unang hinungdan sa pagkasibog sa ilang kalihukan nga gikatakda unta karong Mayo 2-4.
"May mga pangyayari na hindi natin kontrolado," dason pa ni Marcial kabahin sa ilang desisyon nga dili idayon ang ilang akitibidad didto sa Davao Del Norte.
"Security concern. At tiningnan namin, mas makakabuti sa karamihan kaya natin pinostpone."
Masaksihan unta sa All-Star game ang gibuhi nga Rookies-Sophomores-Juniors vs Veterans format.
Ang liga nakig-estorya sa kanunay uban nilang Davao Del Norte Governor Edwin Jubahib ug Mayor Jose Relampagos sa wala pa mihukom nga iuswag ang All-Stars.
Subay niini, si Marcial mipahibawo nga ilang gikonsidera ang pagpahigayon sa All-Star sa laing probinsiya sa Visayas apan tungod sa kakulian sa oras, posible nga mahitabo kini inig kahuman na sa eleksiyon karong Maro 12.
"On talks pa kami kasi kaunting oras na lang yung pagitan," dugang pa ni Marcial, nga naghinaut makasilyo og kasabotan sa bag-ong host sud sa duha ka semana.
Wala sab isalikway ni Marcial ang posibilidad nga makansela ang All-Star kon ugaling maapekihan gyud sila
"Pero kapag hindi pa naayos within two weeks or after Holy Week, baka ma-cancel na yung All-Star natin," padayag pa ni Marcial.
- Latest
