Cebu FC nasud sa Top 4, abante sa PFL Finals Series

CEBU, Philippines — Ang Cebu FC Gentle Giants miduwa ngadto sa 1-1 nga tabla batok sa Davao Aguilas UMAK apan mao lamang kini ang ilang gikinahanglan aron pag-angkon og luna sa Top 4 sa Philippines Football League (PFL) Season 2024-2025 didto sa Dynamic Herb-Borromeo Sports Complex niadtong weekend.

Unang naka-iskor ang Davao sa ika-25 nga minuto kortesiya ni Gabriel Costa Goncalves, apan ang Cebu FC nakatabla pinaagi ni Guytho Marcus Mijland sa ika-83 nga minuto.

Si Roberto “Papu” Corsame maoy gibataw nga Man of the Match.

Samtang si Florencio “Jun” Badelic Jr. misakmit sa Golden Glove isip Best Goalkeeper sa liga.

Ang Gentle Giants mitapos sa ilang kampanya uban ang 31 puntos gikan sa ilang 9-5-4 win-loss-draw record nga nagtukmod kanila ngadto sa Finals Series, usa ka lahi nga torneyo diin mag-abot ang upat ka labing maayong teams gikan sa regular season.

Duwaon kini human sa Semana Santa diin ang Gentle Giants makigharong batok sa top seeded Kaya FC Iloilo, the second-ranked Manila Digger ug No.3 seed One Taguig FC.   

Ang modaog morepresentar sa nasud sa 2025-26 ASEAN Club Championship nga nailhan sab nga Shopee Cup. (BANAT NEWS)