Suns mitaktak sa ilang head coach

CEBU, Philippines — Ang Phoenix Suns mipalagpot sa ilang head coach Mike Budenholzer human ang team napakyas pagsud sa NBA playoffs bisan pa man og dila mao ang adunay labing dako nga suholan sa liga.

Sa usa ka mubo ug usa ka linya lamang nga pamahayag, ang Suns nagkanayon nga ilang gitaktak si Budenholzer human sa labing bati nilang performance sukad niadtong 2019.

Ang Suns, nga migasto og maayo sa makapakurat nilang lineup nga naglangkob nilang Devin Booker, Kevin Durant ug Bradley Beal, mitapos sa ika-11 nga dapit sa Western Conference uban ang 36-46 rekord.

Gikataho nga ang payroll sa Suns miabot ngadto sa $220 million, nga maoy labing taas sa NBA, sunod sa Minnesota Timberwolves kansang suholan sa ilang team mokabat og $204 million.

Si Budenholzer, nga migiya sa Milwaukee Bucks ngadto sa kampiyonato sa NBA niadtong 2021, miduyog sa Phoenix pinaagi sa lima ka tuig nga kontrata nga mibalor og $50 million sa miaging tuig.   

Siya maoy ikaduhang coach sa Phoenix nga kutob lamang sa usa ka season sunod ni kanhi Los Angeles Lakers coach Frank Vogel, nga gipapahawa sab sa Suns human sa bugtong niyang kampanya niadtong 2023-2024 season.