One Doce Pares pormal nga ilusad sa Germany

CEBU, Philippines — Luyo sa managsama nilang tinguha nga ipadayon ang legasiya sa Doce Pares, ang tulo ka direktang kaliwatsa pamilyang Cañete nag-alyansa ug miporma og hiniusang grupo alang sa promosyon ug pagpalambo ning nitibong martial art sa Pilipinas sa tibuok kalibutan.

Subay niini, sila si Grandmasters Chuck Cañete sa Cacoy Doce Pares World Federation ug York Cañete sa Momoy San Miguel Eskrima ug Master Gerald Cañete sa Doce Pares Multi-Style System naglantaw ngadto sa unahan sa pormal nga paglusad sa One Doces Pares karong Abril 19 didto sa Germany uban ang tumang kadasig.

"This is the right path forward for Doce Pares. We want to protect the integrity and continue the legacy of our founding fathers. I firmly believe that through this endeavor, we will give honor to our lineage," dason pa ni Master Gerald.

Si Gerald anak ni Supreme Grandmaster Diony Cañete, ang kamanghurang anak ni Grandmaster Eulogio "Yoling" Cañete nga usa sa mga nagtukod sa Doce Pares niadtong 1932. Sa tanan niyang mga nakab-ot, si SGM Diony labing mahinumduman sa paghiusa niya sa kanhi gubot nga eksena sa eskrima.

Alang ni Chuck, ang paghiusa nila og puwersa sa ubang grupo sa Doce Pares usa ka damgo nga natuman.

"Ever since, I've been yearning for this time to come. It really did not expect that it has now come to fruition," matud pa sa apo ni Noy Cacoy, nga nailhan sa pagpanindot ug paghan-ay og sistema sa mga stratehiya ug taktika sa arnis.

Si York mipadayag og susamang sentimento.

"I'm very happy because for a long time, we're finally united with a common goal of working together and helping each other for the good of Doce Pares," kanayon pa ni York kansang amahan nga si GM Andres Cano Cañete anak ni Filemon "Momoy" Cañete nga usa sa mga nagporma sa Doce Pares dul-an sa usa ka siglo na ang milabay.

Human sa ila unyang pagsilyo sa makasaysayanon nilang panag-alyansa,mopahigayon sila og serye sa gibansagan nilang Doce Pares:Legacy Seminars didto sa Europe inabagan ni German GM Dirk Jähnke.

"We are committed to preserving and sharing the art of eskrima, making sure that it lives on through every practitioner, every strike, and every lesson passed down.

Together, we carry forward the passion and discipline for our forebears for generations to come," panapos pa ni Master Gerald.