CYBL Chairman's Cup mosikad karong  Pebrero 15

CEBU, Philippines — Ang Cebu eliminations sa Cebu Youth Basketball League (CYBL) Chairman's Cup mo-arangkada na karong Sabasdo, Pebrero 15, diha sa Cebu Sports Hub sa Barangay Casuntingan, dakbayan sa Mandaue.

Gipaluyohan sa Cebu Landmasters ug Smart, ang torneyo nga magpasundayag sa abilidad sa masaarong Under 17 nga mga basbetbolista nakahakot og 12 ka teams nga gibahin ngadto sa duha ka grupo.

Ang defending champion University of the Visayas (UV) Baby Lancers anaa sa Group A uban sa Professional Youth Fellowship Basketball Advocacy, CKBA, Salazar Colleges of Science and Institute of Technology (SCSIT), Tri-A Bullpups ug Simpol BB.

Naglangkob sa Group B mao ang Sacred Heart School-Ateneo de Cebu (SHS-AdC) Magis Eagles, University of Southern Philippines Foundation (USPF)-Vdrink, San Roque Bogo, Miguel Aloysius, Atty. Dico ug Springdale-Dynamic Power.

Moduwa sila og single round robin sa eliminasyon diin nang Top 2 matag bracket moabante sa crossover semifinals.

Ang mga mananaog magbangga sa kampiyonato ug katungod nga morepresenta sa Sugbo sa Chairman's Cup National Finals sud ning tuiga.