CCTC mipasidungog sa garbo nilang mga produkto

CEBU, Philippines — Ang Consolacion Cebu Tennis Club (CCTC) mipasidungog sa duha ka bangiitan nilang mga produkto nga mipakita og impresibong salida samtang nagrepresentar sa Central Visayas sa duha ka mga nasudnong torneyo ning bag-ohay pa lamang.

Kini mao sila si Chris Lawrence Villarin ug Yzza Hingoyon.

Si Villarin naka-abot sa quarterfinal round sa elementary boys singles event sa 64th Palarong Pambansa nga gi-host sa dakbayan sa Sugbo sa miaging bulan.

Samtang si Hingoyon milugwa nga kampiyon sa secondary girls singles sa Private Schools Athletic Association (PRISAA) Games.

Ang mga opisyales sa CCTC nga gipangulohan sa presidente nilang si Dodongrex Pepito ug bise presidente Hector Belcina maoy nangunay pagtunol sa certificates of recognition ngadto sa garbo nilang mga players. —EBV