^

Banat Palaro

"Sports for all" ni Yogi dekalibreng mga trainers modala sa boxing program

Emmanuel B. Villaruel - Banat
"Sports for all" ni Yogi dekalibreng mga trainers modala sa boxing program
Brix Flores ug Edmund Villamor

CEBU, Philippines — Usa ka hait nga kombinasyon sa duha ka legendary trainers nga nailhan sab isip tighulma og mga kampiyon maoy modala sa boxing ubos sa ilusad nga "Sports for All" advocacy ni kanhi customs commissioner ug notadong drug-buster nga si Yogi Filemon Ruiz.

Sila si Brix Flores ug Edmund Villamor maoy mokupot sa tahas pagpangita og mga talento ingon man pagbaid sa abilidad sa mga mga nangambisyon nga mamahimong sunod nga Manny Pacquiao. Usa sa labing nindot nilang ikapaambit sa mga kabatan-onan mao ang kaugalingon nilang kasinatian isip kanhi mga boksidor.

Kining maong kalamboan naabot usa ka semana pa ang milabay sukad sa pag-anunsiyo nga ang kanhi Sugbuanong bitoon sa korte nga si Jimwell "Tora-Tora" Torion maoy mopadagagan sa mga kalihukan sa basketball ning maong dalaygon nga proyekto.

"Given their impressive track record, these  gentlemen (Flores and Villamor) are best suited for the job of discovering new talents and harnessing the potential of our young aspiring boxers in the hope of producing another ring star from Cebu in the future," matud pa ni Ruiz, ang labing unang Sugbuanong commissioner sa Bureau of Customs ug kanhi Philippine Drug Enforcement Agency (PDEA)-7 director nga mipadayag na sa iyang interes nga modagan pagka-mayor sa Sugbo sa eleksiyon sunod tuig.

Si Flores usa ka premyadong amateur boxer sa iyang panahon diin siya nakadaog og gold medals sa Palarong Pambansa ug sa National Open tulo ka higayon niadtong 1985, 1987, ug 1988. Misidlak sab siya sa mga internasyonal nga kompetisyon diin siya mibira og gold sa 1986 Sunshine State Games sa Florida, United States, bronze sa 1985 ABC Championships sa Bangkok, Thailand ug silver sa 1987 Asian Challenge Match didto sa kaulohan.

Isip sakop sa Philippine team, ang labing dako nga nakab-ot ni Flores mao ang pagsakmit niya og bronze medal sa 1986 Asian Games didto sa Seoul, South Korea.

Isip coach, si Flores nakagiya og upat ka world champions nga sila si Malcolm Tu acao, Rodel Mayol, Noel Tu acao, ug

Norj Guro ug ingon man usa ka panon sa mga national ug regional champions sama nilang Elmer ug Eriberto Gejon, Wendell Janiola, Dexter Delada, ug Rev Santillan.

"Akong ikapasalig sa mga batan-on nga mo-training nga makab-ot gyud nila ang ilang pangandoy nga makakuha og medal sa amateur tournaments ug ma-champion sa professional boxing sa umaabot," padayag pa ni Flores. "Basta naa lang pud ang paninguha nila nga mo-training gyud ug dili magtinapulan."

Sama ni Flores, si Villamor naglukdo sab og impresibong kredensiyal.

Usa sa mga sinaligan nga cornermen sa respetadong ALA Gym sud sa dul-an duha ka dekada, si Villamor mitabang paghulma ni Donnie "Ahas" Nietes aron mamahimong usa ka four-time world champion ug mibuak sa rekord ni Gabriel "Flash" Elorde isip longest reigning Filipino world boxing champion.

Ang uban nga mga prominenteng pangan sa mabulokon nga panahon ni Villamor uban sa ALA sa wala pa kini manira taliwala sa pandemiya upat ka tuig na ang milabay mao sila si Dondon Sultan, ang managsoong Jason ug Albert Pagara, Rey Bautista, AJ Banal, Mark Magsayo,Junas Sultan, Rocky Fuentes, Arthur Villanueva, ug Rolly Negasca.

"Sa akong pagka-coach, ako lang i-share akong passion ug disiplina nga makuha pinaagi sa training kay ang boxing dili ra ni sports, kabahin pud ni sa akong kinabuhi ug legasiya nga akong mabilin sa mga bata isip ka trainor," kanayon pa ni Villamor, nga gibayaw nga "Trainer of the Year" sa pretihiyosong Gabriel "Flash" Elorde Boxing Awards sud sa tulo ka sagunson nga tuig gikan sa 2013 ngadto sa 2015.

vuukle comment

BOXING

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with