^

Banat Palaro

UC president Atty. Go midayeg sa Baby Webmasters

Emmanuel B. Villaruel - Banat
UC president Atty. Go midayeg sa Baby Webmasters

CEBU, Philippines — Ang University of Cebu Baby Webmasters nga gipangulohan ni head coach Joever "Brad" Samonte mi-courtesy call sa numero uno nilang dumadapig nga si UC President Atty. Augusto "Gus" W. Go kagahapong adlawa aron pormal nga itunol ang tulo ka tropeyo sa kampiyonato nga ilang nahakot sa nagkadaiyang mga torneyo ning bag-ohay pa lamang.

Giduyogan sila ni UC athletic director Jessica Jawad-Honoridez ug assistant coach Robert "Bobby Knight" Inoferio.

"Congratulations! I am happy that from academics, we are now also doing good in athletics," matud pa ni Go samtang gipadayagan ang tibuok niyang suporta sa umaabot nga mga kampanya sa team.

Ang Baby Webmasters unang mipakaging sa University of the Visayas (UV) Baby Lancers, 68-51, aron dominahon ang Batang Pilipino Basketball League (BPBL) Season 2 Cebu Tri-City eliminations sa miaging bulan didto sa Cebu Coliseum. Human niini, ang Baby Webmasters mipayaka sa University of Southern Philippines Foundation (USPF) Baby Panthers-Sherilin, 72-63, aron sakmiton ang Under 18 title sa BPBL Season 2 Central Visayas Finals niadtong Pebrero 4 didto sa Carmen Sports and Civic Center didto sa lungsod sa Carmen amihanang bahin sa Sugbo.

Tungod niini, ang Baby Webmasters naka-angkon og luna sa BPBL Season 2 National Championships nga gikatakda karong Hulyo 22-27 didto sa Mall of Asia Arena sa Pasay City. Usa ka semana ang milabay, gi-usban sa Baby Webmasters ang Baby Panters pinaagi sa 87-78 nga desisyon aron paglugwa nga kampiyon sa Barangay Punta Fiesta Cup 2024 sa dakbayan sa Sugbo niadtong Pebrero 10.

"Happy and proud kaayo ko sa ako mga players because they always play with a big heart. Determinado kaayo ug dili gyud sila gusto magpapilde," dason pa ni Samonte.

"Dako kaayo ni og impact sa team kining amo kadaogan kay this is part of our preparations for the BPBL National Finals. Hopefully we could join more invitational tournaments to give my players more exposure and to boost their confidence going to Manila," dugang pa ni Samonte. 

vuukle comment

BASKETBALL

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with