Bulawang medalya sa PHL napun-an sa ASEAN Para Games
CEBU, Philippines — Singko anyos palang si King James Reyes sa dihang naputol ang iyang tuo nga bukton tungod sa aksidente pagkatagak niya gikan sa punoan sa macopa didto sa ilang lugar sa Loreto, Agusan del Sur. Apan bisan pa man niini, wala kini nahimong babag aron kab-uton iyang damgo.
Si Reyes, 21, nga tinun-an sa Adamson University maoy nanguna aron pagsakmit sa ikatulong bulawang medalya para sa Pilipinas pinaagi sa 800-meter T46 nga kadaugan kagahapon atol sa 12th ASEAN Para Games sa Morodok Techo National Stadium. Daan nang gipuntariya ni Reyes ang bulawan human niya nakuha sa sayo pa ang duha ka silver medals 5000m events niadtong Domingo ug 1500m niadtong Lunes. Gitapos niya lumba sulod lang sa duha ka minutos ug 13.22 segundos.
Sama og gireserba ni Reyes ang tanan sa maong event aron buntogon ang Malaysian runner nga si Muhammad Ashraf Muhammad, nga maoy nakasakmit sa bulawang medalya sa 5000m ug 1500m diin siya nakakuha og silvers. Ang Malaysian nakatala og oras nga 2:13.25.
“Nagpapasalamat po ako kay God at sa aking pamilya, sa kanila po ako kumukuha ng lakas,” matud pang Reyes.
Ang kadaugan ni Reyes maoy labing una sa tulo ka mga centerpiece athletics, ang laing duha kortesiya sa Filipina athlete nga si Rosalie Torrefiel sa women’s javelin F11 ug Andrei Kuizon sa men’s shot put F53/54.
Giwakli lang ni Torrefiel ang field pinaagi sa iyang 19.33m throw, labaw og usa ka metros batok sa Thai thrower nga si Ratnaningsih Ratnaningsih nga nakaabot lang og 18.05m. Samtang ang Vietnamese nga si Nguyen Thi Chin 17.98m aron masakmit ang bronze.
Samtang si Kuizon, kinsa kanhi wheelchair basketball player apan nibalhin sa shot put throw ubos sa pagtudlo sa kanhi national thrower nga si Nixon Mas, nakaabot og 7.27m batok sa silver medal winner nga si Phe Phawat sa Cambodia nga nakaabot lang og 4.17m.
Sa pagkakaron, ang Pilipinas aduna nay unom ka bulawang medalya. Gipaabot nga mapun-an pa kini sa nahibiling upat ka adlaw diin sa lumba sa dagan na sab ang kompetisyon. “This event is full of surprises so we’ll just cross our fingers and hope we get more positive results,” matud pang Philippine athletics coach Joel Deriada, sa miaging tuig, ang Pilipinas nakakuha sab og unom ka bulawang medalya sa maong mga duwa. Ang laing gold medals gi-harvest sa mga Pinoy wood pushers (Chess) nga silang rapid men’s chesser Darry Bernardo (duha ka gold) ug rapid women’s PI champion Cheyzer Mendoza.
Sa pagkakaron, ang Pilipinas naa na sa ikalimang pwesto sa medal tally, 15-18-18 (gold-silver-bronze) nagsunod sa Indonesia’s 71-61-41, Thailand’s 46-49-36, Vietnam’s 31-29-45 ug Malaysia’s 30-23-14. “We’re still on target,” matud pang PSC commissioner and chef-de-mission Walter Torres, nga ang gipasabot mao ang pagbuak sa 28 gold medals sa Pilipinas didto sa Surakarta sa miaging tuig. –Gikan sa Philstar.com
- Latest
