Griffin balik sa Bucks, mao nay head coach
CEBU, Philippines — Gikompirmar na sa Milwaukee Bucks nga gikuha nila balik apan karon isip bag-ong head coach si kanhi NBA player Adrian Griffin human nila gipalagpot si Mike Budenholzer sa miaging buwan.
Si Griffin,48, maoy kanhi assistant coach sa Toronto Raptors. "Adrian is a widely-respected coach and former player, who brings great leadership and experience to our team," pamahayag pa ni Bucks general manager Jon Horst.
"His championship-level coaching pedigree, character, basketball acumen and ability to connect with and develop players make him the ideal choice to lead our team. He has earned this opportunity," dugang pa niini.
Ang Bucks nagtinguhang mapalambo ang rekord gikan sa sayo kaayong pagkatagak sa first-round palang sa Eastern Conference playoffs. Ang pagkatagak sa koponan maoy rason nganong gisip pagawas si Budenholzer niadtong Mayo 4.
"The Bucks are a championship organization and I'm thrilled to work with an established roster of high character and talented players," pamahayag sab ni Griffin kinsa mipadayag nga excited na siyang mobalik sa Milwaukee.
Si Budenholzer, nahimong two-time Coach of the Year ug maoy nagdala sa Bucks sa ilang pinakaunang NBA title sa 50 anyos nilang team niadtong tuig 2021.
Apan gumikan sa iyang kapakyasan karon nga season, gipalagpot kini sa pwesto.
Si Griffin nagsugod sa iyang coaching career sa NBA diha sa Bucks niadtong 2008 isip assistant coach ni Scott Skiles. Sa karon nga 2022-2023 season, ang Bucks nakahipos lang og best record nga 58-24 sa liga, gitagak sila sa lima ka duwa sa Miami Heat sa first round palang sa playoffs.—Gikan sa Philstar.com
- Latest
