Makatabla kaha ang Heat sa Nuggets?

Usa sa mga gitudlong rason nganong napukan ang Miami Heat sa Denver Nuggets sa first game niadtong adlaw ng Biyernes mao ang matud pa altitude o gihabugon sa Ball Arena sa Denver diin gihimo ang ilang duwa.

Makatabla kaha ang Heat sa Nuggets karon?

Ang maong siyudad nahimutang 5,276 feet above sea level  maong gibansagan kining “Mile High City”–  ug dugay ng gituohang ang mga mobisita sa lugar mabag-ohan gyud ilabi kadtong naanad magpuyo sa ubos.

Matud pa mabag-ohan gyud ang mga bag-ohay pang nangabot sa taas nga air pressure ug nipis nga supply sa oxygen. Mas grabe ang epekto niini sa mga atleta, mao nga usahay ang mga visiting teams mosayo og adto sa lugar aron anaron ilang lawas sa klima.

“Oh, it’s real,” matud pa sa beteranong si Denver Nuggets forward Jeff Green. “I mean, it’s real for us too. We have to deal with it as well. It’s not something you get used to off the bat and ‘aw, it’s nothing.’ Sometimes if we don’t get a chance to practice, we feel it.”

Si Green, 36, nakaduwa na sa 11 ka NBA teams sud sa 15 ka seasons, ang duha niini ubos sa koponan sa Nuggets.

Matud niya nakasuway siya og pamuypoy, mabaw og gininhawa, gaan ang ulo, dugay katulog, labad ang ulo  ug usahay malipong nga matud pa niya mabag-ohan gyud ang mga tawong bag-o pang nataak sa lugar.

“You feel it everywhere, through your whole body,” matud pang Green sa NBA.com. “You just have to get over it. There’s nothing you can do about it.”

Base sab sa record sa Nuggets nakakuha kinig 1,238-641 all-time record sa  regular season games, itandi sa 662-1,250 niini nga mga duwa sa laing lugar ug gawas sa Denver.

Sa NBA playoffs, ang Denver nakahipos og 65-45 sa ilang balwarte, 30-86 sa laing lugar. Karon nga season, nakadaog sila og 34 ka duwa ug pito ka pildi diha sa ilang tugkaran sa regular season, 9-0  sa postseason.

Apan kun si Heat head coach Erik Spoelstra maoy pasultihon dili siya motuo niini. Matud pa niya ang iyang mga players lagsik ug kondisyon ang panglawas atol sa duwa.

Matud pa niya, lisod kaayong tuohan ang maong rason o himuong hinungdan kun nganong napildi sila sa unang duwa.

 “This thing is going to be decided between the four lines. They’ve also got to come back to Miami. If you want to make it about that, we’ll turn off the air conditioning and they’ve got to play in 90-degree humidity, sap the [bleep] out of their legs.” Ang Miami aduna ray 6.5 feet elevation above sea level.

Nabantayan gyud hinuon nga atol sa ilang duwa niadtong adlaw nga Huwebes,kuwang sa ka agresibo ang Heat nga dili nila dinuwaan mao nga daghan ang nagtuong ang nahimutangan sa venue ang hinungdan.

Gani bisan sa kadaugan sa Denver 104-103, ang sentro sa Heat nga si Bam Adebayo kinsa nakatampo og 26 points ug 13 rebounds anang gabhiuna mibalewala lang sa maong rason.

 “I don’t think that was part of the game anyway. I didn’t even think about the altitude until you just said it,” niya pa.

Gipaabot nga sa game 2 karong adlawa, dunay daghang kausaban nga himuon ang Heat gikan sa mga leksyon nga nakat-onan sa una nilang duwa. Sa pikas bahin, ang Nuggets maninguha nga mapugngan ug mabulilyaso kining mga adjustments nga buhaton ni Spoelstra.—IBM