Joher 8-0 na sa Arlon Cup S2
CEBU, Philippines — Ang Joher Transport and Logistics mibungkag sa MEQ Builders, 73-62, aron pagpabiling way pildesa Hoops Arlon Cup Season 2 didto sa City Sports Club-Cebu gym.
Si King Osabel mihipos og 19 puntos uban ang walo ka rebounds ug usa ka steal alang sa Joher nga padayong nagsolo sa liderato uban ang perpektong 8-0 rekord.
Sa laing bahin, ang Team CK milampornas sa Parokya Ni Edgar, 113-76, alang sa ikawalo nilang daog nga giatbagan og usa pa lamang ka pilde.
Si Samsam Gullas maoy bida sa CK bitbit ang 25 puntos, lima ka assists ug tulo ka steals.
Sa ubang mga resulta, ang Team JSA miwani sa S.I.V, 88-83, samtang ang Trojan Warriors mimakmak sa Cupin Compound, 97-83.
Si TJ Minoza mikolekta og 21 puntos, lima ka rebounds ug unom ka assists sa dihang giinat sa
JSA ang ilang baraha ngadto sa 5-1 samtang si Gino Sollano mipabuto og 34 puntos uban ang walo ka rebounds ug tulo ka steals aron pangulohan ang Trojan Warriors ngadto sa ikaunom nilang daog sud sa walo ka duwa.
- Latest