Kai Sotto mipupo sa iyang unang double-double
CEBU, Philippines — Milabok og maayo si Kai Sotto pinaagi sa pagkuha sa labing una niyang double-double figures sa bag-ohay lang niyang gisudlang Japan B. League ubos sa koponan sa Hiroshima Dragonflies aron mapukan ang Ibaraki Robots sa iskor nga 90-72 sa nagpadayong 2022-23 Japan B. League season didto sa Adastria Mito Arena niadtong adlaw nga Sabado.
Ikatulo pa kining pagduwa ni Sotto kauban sa Hiroshima ug miposte dayon og 21 puntos, 12 ka rebounds, ug tulo ka blocks.
Ikaduha na kini nga sagunsong kadaugan sa Hiroshima kauban ang 7'3" Pinoy big man kinsa gipaduwa og 23 minutos anang adlawa. Ang Hiroshima nagbitbit karon og rekord nga 30-11 standings.
Samtang laing Pinoy import didto nga si Kiefer Ravena sa Shiga Lakes mikamada sa ilang ikaupat nga sagunson nga daog sa ilang 96-87 nga kadaogan batok sa Toyama Grouses sa Toyama City Gymnasium.
Laing Pinoy import sab nga si Carl Tamayo nga miduwa para sa Ryukyu Golden Kings mitampo og nuwebe puntos ug upat ka rebounds para sa ilang kadaugan batok sa Shinshu Brave Warriors 81-66. Ang ilang koponan nagbitbit na karon og 32-9 nga baraha.
- Latest
