Mga coaches misaludo ni LeBron
CEBU, Philippines — Pipila sa mga tinamod nga NBA coaches ang miyubo ni LeBron James tungod sa pagkulit niini og kasaysayan isip NBA all-time leading scorer.
Mismo si James ang wala magtoo nga iyang mapapas ang karaan na kaayong record ni Kareem Abdul-Jabbar.
"I think it's one of the greatest records in sports in general," matud pa ni James. "I think it's up there with the home run record in baseball. It's one of those records that you just don't ever see or think that would be broken."
Apan tungod sa kalingnig ni James, nahimong posible ang tanan.
Tungod niini, ang mga inilang coach sa liga misamot og kabilib kaniya.
"I think most of us back then thought that record would never be broken," matud pa ni Golden State coach Steve Kerr. "So to see LeBron do it over 20 years is pretty remarkable and a testament to not only his ability but his durability."
Sama ni Kerr, partikular sab nga gidayeg ni Gregg Popovich sa San Antonio Spurs ang pagkamalungtaron ni James.
"LeBron has taken care of himself so well and he has been able to play a bundle of games for a lot of years," paambit pa ni Popovich. "His commitment to the game and to what he has to do has allowed him to be in this position."
Sa iyang bahin, si Erik Spoelstra, nga maoy mi-coach ni James sa dihang nakampiyon ang Miami Heat niadtong 2012 ug 2013, nagtoo nga dili na mahilabtan pa ang maong record mao nang gibati siya og tumang kalipay nga nakab-ot kini ni James.
Mao sab ang sentimento ni Tyronne Lue, nga kanhi coach ni James uban sa Cleveland Cavaliers diin sila nakampiyon niadtong 2016.
Alang ni Lue, ang scoring record dapat maoy mag-una sa listahan sa dili makalimtan nga mga nakab-ot ni James sa mabulokon niining karera.
"This has to be No. 1, seeing how long Kareem has held this record (since 1984). I know LeBron has his championships and MVPs. But to be the all-time leading scorer in NBA history, considering all the great players that have come through this game? That's a big-time accomplishment," padayag pa ni Lue.
- Latest
